Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Apokalupo 6:1-17

HAAPOTORAA O TE MAU TUMU PARAU

  • E ofati te Arenio i na tapao taati matamua e ono (1-17)

    • E upootia tei parahi i nia i te puaarehenua uouo (1, 2)

    • E faaore tei parahi i nia i te puaarehenua uteute i te hau (3, 4)

    • E faatupu tei parahi i nia i te puaarehenua ereere i te o‘e (5, 6)

    • O Pohe te i‘oa o tei parahi i nia i te puaarehenua mahe‘ahe‘a (7, 8)

    • Tei raro i te fata tei taparahi-pohe-hia (9-11)

    • Aueueraa fenua rahi (12-17)

6  E ite atura vau i to te Arenio* ofatiraa hoê o na tapao taati e hitu, e faaroo atura vau hoê o na melahi i te parauraa ma te reo e au i te patiri: “A horo!”  Ite atura vau e inaha, te hoê puaarehenua uouo, e e fana ta tei parahi ra i nia iho. E hei upoo arii tei horoahia no ’na e ua horo oia ia pau to ’na mau enemi ia ’na, a upootia roa ’tu ai oia.  I to te Arenio ofatiraa i te piti o te tapao taati, faaroo atura vau i te piti o te melahi i te parauraa: “A horo!”  Ite atura vau i te tahi atu puaarehenua, mea uteute, e ua faatiahia tei parahi ra i nia iho ia faaore i te hau i nia i te fenua, ia haapohe hoi te taata te tahi i te tahi. E ‘o‘e rahi tei horoahia na ’na.  I to te Arenio ofatiraa i te toru o te tapao taati, faaroo atura vau i te toru o te melahi i te parauraa: “A horo!” Ite atura vau e inaha, te hoê puaarehenua ereere, e e faito tei te rima o tei parahi ra i nia iho.  Faaroo atura vau mai te hoê reo i ropu i na melahi e maha i te parauraa: “Hoê kilo sitona, hoê ïa denari.* E toru kilo kerite, hoê ïa denari, e eiaha e hauti i te hinu olive e te uaina.”  I to te Arenio ofatiraa i te maha o te tapao taati, faaroo atura vau i te maha o te melahi i te parauraa: “A horo!”  Ite atura vau e inaha, te hoê puaarehenua mahe‘ahe‘a, e o Pohe te i‘oa o tei parahi ra i nia iho. Te na muri noa mai ra te Apoo* ia ’na. Ua horoahia ia raua te mana i nia i te maha o te tuhaa o te fenua, e haapohe i te taata i te ‘o‘e roa e i te o‘e e i te ma‘i pohe e i te animara oviri.  I to te Arenio ofatiraa i te pae o te tapao taati, ite atura vau i raro i te fata i te toto* o te feia tei taparahi-pohe-hia no to ratou haapaoraa i te parau a te Atua e no to ratou pororaa. 10  Tuô a‘era ratou a na ô ai: “To matou Arii hau ê e Fatu mo‘a e te parau mau, afea oe e haava ’i i te feia e parahi ra i te fenua nei, a tahoo atu ai i to matou toto?” 11  Horoahia ’tura te hoê ahu roa uouo no ratou tataitahi, e parauhia ’tura ia tiai rii â e ia tia roa te numera o to ratou mau hoa tavini e o to ratou mau taeae ua fatata i te haapohehia mai ia ratou atoa. 12  E ite atura vau i to te Arenio ofatiraa i te ono o te tapao taati, e tupu ihora te hoê aueueraa fenua puai, e ereere a‘era te mahana mai te ahu oto huruhuru,* e uteute atura te ava‘e taatoa mai te toto ra, 13  e marua maira te mau fetia o te ra‘i i nia i te fenua mai te suke pî ra ia ueuehia te tumu e te mata‘i rahi. 14  E otarohia ’tura te ra‘i mai te tahi otaro ra e mo‘e atura, e tatarahia ’tura te mau mou‘a atoa e te mau motu atoa i to ratou vairaa. 15  E tapuni atura te mau arii o te fenua, te feia tiaraa teitei, te mau raatira o te nuu, te feia tao‘a rahi, te feia mana, te mau tîtî atoa e te feia tiamâ atoa i roto i te mau ana e na roto i te mau mato o te mau mou‘a. 16  E te tamau noa ra ratou i te parau i te mau mou‘a e te mau mato: “A mairi mai i nia ia matou e ia mo‘e matou i te aro o te Atua e parahi ra i nia i te terono e i te riri o te Arenio, 17  no te mea ua tae mai te mahana rahi o to raua riri, e o vai te ora ’tu?”

Nota i raro i te api

Aore ra “Fanau‘a mamoe.”
A hi‘o i te titionare.
Aore ra “Hade,” oia hoi te menema o te huitaata. A hi‘o i te titionare.
Heleni pusuke. A hi‘o i te titionare.
Peneia‘e e huruhuru puaaniho.