Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Apokalupo 4:1-11

HAAPOTORAA O TE MAU TUMU PARAU

  • Orama o to Iehova parahiraa i nia i te ra‘i (1-11)

    • Iehova e parahi ra i nia i to ’na terono (2)

    • Na 24 matahiapo i nia i te terono (4)

    • Na melahi e maha (6)

4  I muri iho, ite atura vau, e inaha, te hoê uputa matara noa i nia i te ra‘i, e na ô maira te reo matamua ta ’u i faaroo mai te hoê pu: “Pauma mai i ǒ nei, e faaite atu hoi au i te mau mea e tupu e tia ’i.”  Riro ihora vau i te puai o te varua mo‘a, e inaha, ite atura vau i te hoê terono i nia i te ra‘i e te parahi ra te hoê i nia iho.  Te anaana ra te Atua e parahi ra mai te ofai isephe* e te ofai adama,* e ua haaatihia te terono i te hoê anuanua e hoho‘a i te semaradino.*  E ati a‘e te terono, e 24 ïa terono e i nia iho i taua mau terono ra, ite atura vau e 24 matahiapo ma te ahu uouo e te hei auro i nia iho i to ratou upoo.  Na roto mai i te terono, e uira ïa e te reo e te patiri. E i mua i taua terono ra, e hitu mori auahi e ura noa ra, oia hoi na varua mo‘a e hitu o te Atua.  I mua i te terono, te hoê ïa mea e hoho‘a i te miti e au i te hi‘o aore ra te kerehe.* I ropu, to reira te terono, e ati a‘e te terono, e maha ïa melahi ua î roa i te mata na mua e na muri.  Te melahi matamua, mai te liona ïa. Te piti o te melahi, mai te puaatoro oni apî ïa. Te toru o te melahi, mai to te taata ïa to ’na hoho‘a mata, e te maha o te melahi, mai te aeto ïa e rere ra.  E ono pererau to na melahi tataitahi e maha, e mata ana‘e to nia iho i to ratou mau pererau atoa. E i te po e te ao, e tamau noa ratou i te parau: “E mo‘a, e mo‘a, e mo‘a te Atua ra o Iehova,* te Mana hope, e vai nei e i vai na e e haere mai ra.”  I te mau taime atoa e faahanahana ’i e e faateitei ai e e haamauruuru ai na melahi i te Atua e parahi ra i nia i te terono, te Atua e ora e a muri noa ’tu, 10  e tuturi na matahiapo e 24 i mua i te Atua e parahi ra i nia i te terono e e haamori ratou i te Atua e ora e a muri noa ’tu, a taora ’tu ai i to ratou hei upoo i mua i te terono, a na ô ai: 11  “E au roa ia faahanahanahia e ia faateiteihia oe Iehova* to matou Atua puai, no te mea na oe i poiete i te mau mea atoa e no to hinaaro i vai ai e i poietehia ’i te reira.”

Nota i raro i te api

E hoho‘a teie ofai i te taiamani.
E ofai moni rahi mauteute teie.
E ofai moni rahi matie teie.
E hoho‘a teie ofai moni rahi i te taiamani.
A hi‘o i te titionare.
A hi‘o i te titionare.