Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Apokalupo 20:1-15

HAAPOTORAA O TE MAU TUMU PARAU

  • Taamuhia Satani i te fifi auri 1 000 matahiti (1-3)

  • Ei arii e te Mesia 1 000 matahiti (4-6)

  • Tuuhia mai Satani, a haamouhia ’tu ai (7-10)

  • Haavahia tei pohe i mua i te terono uouo (11-15)

20  Ite atura vau i te hoê melahi i te pouraa mai te ra‘i mai, e fifi auri rahi e te taviri o te abuso tei to ’na rima.  Haru ihora oia i te teni, te ophi i tahito ra, oia hoi te Diabolo ra o Satani, e taamu ihora ia ’na i te fifi 1 000 matahiti.  Huri atura oia ia ’na i roto i te abuso e opani atura e tamau ihora i te reira i te tapao taati, ia ore o ’na ia haavare faahou i te mau nunaa e ia hope roa ’tu na 1 000 matahiti. I muri a‘e i te reira, e tuuhia mai o ’na no te hoê taime poto noa.  E ite atura vau i te tahi mau terono, e i tei parahi ra i nia iho, ua horoahia ïa ia ratou te mana e haava. Oia mau, ua ite au i te feia* tei haapohehia* no to ratou faaiteraa i te parau no Iesu e no to ratou pororaa no nia i te Atua, aita ratou i haamori i te puaa taehae e to ’na tii e aita to ratou rae e to ratou rima i tapaohia i to ’na tapao. Ua ora faahou mai ratou e ua faatere ei arii e te Mesia 1 000 matahiti.  (Aita te toea o tei pohe i ho‘i mai i te ora e ia hope roa ’tu na 1 000 matahiti.) O te tia-faahou-raa matamua teie.  E oaoa ratou o tei fana‘o i te tia-faahou-raa matamua e mea mo‘a ratou. Aita to te piti o te pohe e mana i nia ia ratou, e riro râ ratou ei tahu‘a na te Atua e na te Mesia, e e faatere ratou ei arii e te Mesia 1 000 matahiti.  I te hoperaa iho â na 1 000 matahiti, e tuuhia mai Satani,  e e haere o ’na e haavare i te mau nunaa i na poro e maha o te fenua, oia hoi ia Goga e ia Magoga, no te haaputuputu ia ratou no te tama‘i. To ratou numera, mai to te one tatahi ïa.  E haere ratou na te fenua taatoa e e haaati ratou i te puhapa o te feia mo‘a e te oire herehia e te Atua. E mairi mai râ te auahi mai te ra‘i mai, a mou atu ai ratou. 10  E hurihia te Diabolo, tei haavare na ia ratou, i raro i te roto auahi e ura puai noa ra, to reira a‘ena te puaa taehae raua te peropheta haavare. E haamauiuihia* ratou i te po e te ao e a muri noa ’tu. 11  Ite atura vau i te hoê terono rahi uouo e te parahi ra te Atua i nia iho. Mou a‘era te fenua e te ra‘i mai mua ia ’na, e aita ’tura i ite-faahou-hia. 12  Ite atura vau i tei pohe, te feia riirii e te feia tiaraa teitei, i te tia-noa-raa i mua i te terono, e hohorahia ’tura te tahi mau otaro. Hohorahia ’tura râ te tahi atu otaro, te otaro o te ora. Haavahia ihora te feia pohe ia au i tei papaihia i roto i te mau otaro, ia au i ta ratou mau ohipa. 13  Faaho‘i maira te miti i te feia pohe i roto ia ’na, e faaho‘i atoa maira te pohe e te Apoo* i te feia pohe i roto ia raua, e haavahia ’tura ratou tataitahi ia au i ta ratou mau ohipa. 14  Hurihia ’tura te pohe raua te Apoo* i raro i te roto auahi. O te piti o te pohe te roto auahi. 15  Oia atoa te taata aita i itehia to ’na i‘oa i roto i te buka o te ora, ua hurihia ïa i raro i te roto auahi.

Nota i raro i te api

Heleni pusuke. A hi‘o i te titionare.
“Haapohehia i te opahi” na roto i te reo Heleni.
Aore ra “tapeahia.”
Aore ra “Hade,” oia hoi te menema o te huitaata. A hi‘o i te titionare.
Aore ra “Hade,” oia hoi te menema o te huitaata. A hi‘o i te titionare.