Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Apokalupo 15:1-8

HAAPOTORAA O TE MAU TUMU PARAU

  • E hitu melahi e e hitu ati (1-8)

    • Te himene a Mose e a te Arenio (3, 4)

15  Ite atura vau i te tahi atu ohipa taipe faahiahia roa e te maere i nia i te ra‘i: e hitu melahi tei ia ratou ra e hitu ati. Na ati hopea ïa teie, no te mea na roto i te reira e hope ai te riri o te Atua i te tupu.  Ite atura vau i te hoê mea e hoho‘a i te miti e au i te hi‘o, e auahi atoa to reira. E te tia ra i pihai iho i taua miti ra te feia tei upootia i nia i te puaa taehae e to ’na tii e te numera o to ’na i‘oa, a tapea noa ’i i te mau kinura a te Atua.  Te himene ra ratou i te himene a Mose te tavini a te Atua e te himene a te Arenio,* a na ô ai: “E ohipa faahiahia roa e te maere ta oe te Atua ra o Iehova,* te Mana hope. E haerea parau-tia e te parau mau to oe, te Arii mure ore.  O vai mau te ore e mǎta‘u ia oe Iehova,* e e faahanahana i to oe i‘oa, o oe ana‘e hoi te Atua haapao maitai? E haere mai hoi te mau nunaa atoa i mua i to oe aro no te haamori ia oe, no te mea ua faaitehia ta oe mau haavaraa tia.”  I muri iho, ite atura vau i nia i te ra‘i e ua matara te nao* o te tiahapa o ta te Atua i faaite,  e na roto maira i te nao na melahi e hitu tei ia ratou ra na ati e hitu, tei ahuhia i te ahu lino mâ e te anaana e ua taamuhia to ratou ouma i te hatua auro.  Horoa ’tura hoê o na melahi e maha e hitu au‘a auro i na melahi e hitu, e ua î na au‘a i te riri o te Atua, o te ora hoi e a muri noa ’tu.  Î a‘era te nao i te au auahi no to te Atua hanahana e no to ’na puai, e aita hoê i tia ia tomo i roto i te nao e a hope roa ’i na ati e hitu a na melahi e hitu i te tupu.

Nota i raro i te api

Aore ra “Fanau‘a mamoe.”
A hi‘o i te titionare.
A hi‘o i te titionare.
A hi‘o i te titionare.