Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Apokalupo 10:1-11

HAAPOTORAA O TE MAU TUMU PARAU

  • Hoê melahi puai e otaro nainai tei to ’na rima (1-7)

    • “Eita te Atua e tiai faahou” (6)

    • Tupu te parau huna mo‘a (7)

  • E amu Ioane i te otaro nainai (8-11)

10  Ite atura vau i te tahi atu melahi puai i te pouraa mai te ra‘i mai, ua vehîhia* i te hoê ata. E anuanua to nia i to ’na upoo, e to ’na hoho‘a mata, mai te mahana ïa, e to ’na na avae, mai te pou auahi ïa.  E otaro nainai tei hohorahia tei to ’na rima. Tei nia iho to ’na avae atau i te miti, to ’na râ avae aui tei nia iho ïa i te fenua,  e ua tuô oia mai te uuru o te liona. E i to ’na tuôraa, haruru maira te reo o na patiri e hitu.  I te harururaa mai te reo o na patiri e hitu, te haamata ra vau i te papai, faaroo atura râ vau i te hoê reo no te ra‘i mai i te na ôraa: “A tapea huna noa i te mau parau a na patiri e hitu, eiaha e papai i te reira.”  Toro a‘era te melahi i to ’na rima atau i nia i te ra‘i, te melahi hoi ta ’u i ite i te tiaraa i nia iho i te miti e i nia iho i te fenua,  e horeo atura i te i‘oa o te Atua e ora e a muri noa ’tu, tei poiete i te ra‘i e to reira, i te fenua e to reira, e i te miti e to reira: “Eita roa e haamaoro-faahou-hia.  I te mau mahana râ e haamata ’i te hitu o te melahi i te faaoto i ta ’na pu, e tupu mau â te parau huna mo‘a ta te Atua i faaite ei parau apî oaoa* i ta ’na mau tavini te mau peropheta.”  E faaroo ihora vau i te reo no te ra‘i mai i te parau-faahou-raa mai ia ’u: “A haere, a rave i te otaro tei hohorahia, i roto i te rima o te melahi e tia ra i nia iho i te miti e i nia iho i te fenua.”  Haere atura vau i te melahi ra e parau atura ia horoa mai i te otaro nainai. Parau maira oia: “A rave, a amu, e toavaava to oe opu, i roto râ i to oe vaha e monamona ïa mai te meli.” 10  Rave maira vau i te otaro nainai i roto i te rima o te melahi e amu ihora, e ua monamona i roto i to ’u nei vaha, ua toavaava râ to ’u opu. 11  E parauhia maira ia ’u: “Ia tohu â oe e tia ’i no nia i te mau nunaa e te mau reo e te arii e rave rahi.”

Nota i raro i te api

Aore ra “puohuhia.”
Aore ra “evanelia.”