Eaha to roto?

Tapura tumu parau

E NAFEA TA OUTOU MAU Ô E FAAOHIPAHIA ˈI?

Tauturu ia tupu te ati natura i 2021: Aita to tatou mau taeae e tuahine e faaruehia

Tauturu ia tupu te ati natura i 2021: Aita to tatou mau taeae e tuahine e faaruehia

1 NO TENUARE 2022

 I te roaraa o te matahiti taviniraa 2021, a ua tamau te maˈi parare COVID-19 i te haafifi i te ao. Mai ta te tumu parau “Tauturu na te ao no te maˈi parare” i faataa, ua haamâuˈa matou e mirioni tara Marite b no te maˈi parare e ua haamauhia hau atu 950 Tomite tauturu no te ati natura.

 Tera râ, noa ˈtu te uˈana ra te maˈi parare, ua roo-atoa-hia to tatou mau taeae e tuahine na te ao nei i te tahi atu mau ati, te ati natura anei aore ra faatupuhia e te taata. No te pahono i na 200 ati, ua farii te Tomite tiaau o te Tino aratai ia hamâuˈahia 8 mirioni tara Marite amuihia i te moni horoahia no te COVID-19. Hiˈo anaˈe nafea ta outou mau ô i te faaohiparaahia, no te tauturu i te feia tei roo e piti ati aita i maoro aˈenei.

Tutuharaa te mouˈa Nyiragongo

 I te 22 no Me 2021, ua haamata te mouˈa Nyiragongo i Repupirita manahune no Congo i te tutuha. Ua tuino te vari auahi i te mau fare, fare haapiiraa e te tahi tura pape rahi. E ere noa te vari auahi i te mea atâta. E rave rahi mahana i muri iho te tutuharaa, ua topa te rehu auahi ino o te mouˈa i nia i te oire o Goma, e ua tapaohia hau atu ahuru taime to te fenua harururaa. Ua hopoi-ê-hia hau atu i te afa o te oire. Ua horo ê hanere tausani taata, e ua haere te tahi atu na te otia fenua ia Rwanda.

I roto i te aua o te hoê Piha a te Basileia, te opere ra te hoê tomite tauturu no tera vahi i te to papaa tunuhia

 E i rotopu te feia tei hopoi-ê-hia te vai ra 5 000 Ite no Iehova. Ua ere vetahi o ratou i to ratou fare, e ua eiâhia i roto i te fare o vetahi i muri iho to ratou horo-ê-raa. Ua amui te mau Tomite tauturu no Rwanda e no Repupirita manahune no Congo no te aratai te tauturu. No nia i te hoê tomite tauturu, ua faaite te amaa no Congo (Kinshasa): “Noa ˈtu teie tupuraa fifi mau i teie oire, e hou te parau no te hopoi-ê-raa i horoahia, ua haamata te tomite i te opere i te maa, te pape, te ahu taoto e te ahu.” I te tahi atu oire i reira hau atu 2 000 o to tatou mau taeae i te amuiraa, ua faatia te hoê tomite tauturu i te mau fare ie, opere i te paruru vaha e faataa nafea ia faaiti mai te parareraa o te COVID-19 e te choléra.

Te faitohia ra te mau pute maa hou a operehia no te mau Ite hopoi-ê-hia

 Toru avaˈe i muri aˈe tera ati, ua opere to tatou mau taeae hau atu ono tǎne raiti, ono tǎne faraoa ota, toru tǎne hinu maa e toru tǎne pape. No te faaiti mai te haamâuˈaraa, ua faaoti te amaa i te hoo rahi mai te maa i to ratou iho vahi i te haponoraa mai te maa.

 Te faaite ra te tahi tuahine ua ino to ˈna fare apî i te tutuharaa te mouˈa: “Ua toaruaru e ua oto rahi matou.” Tera râ, ua horoahia te maa e te faaitoitoraa ia vai taiva ore noa to ˈna utuafare. Te parau atoa ra o ˈna: “Maoti te tauturu a Iehova, te vai noa ra te mea hinaarohia e matou. Ua ite matou te amo ra Iehova i ta matou hopoia e ua haamâmâhia ia amo ohie noa matou i te reira.”

Fifi peapea mau i te pae moni i Vénézuela

 Ua topa te fenua Vénézuela i roto i te tahi fifi peapea mau i te pae moni e rave rahi matahiti. Te faaruru ra to tatou mau taeae i te fifi i te pae o te oraraa, te oˈe e te maraaraa o te ohipa ino. Aita râ, te faanahonahoraa a Iehova i faarue ia ratou.

Te utahia ra te mau pute raiti no te afai i te mau vahi atoa o Vénézuéla

 I te matahiti taviniraa i mairi aˈenei, ua horoahia hau atu 1,5 mirioni tara Marite no te hoo mai e faauta i te maa e te puˈa no te tauturu i te mau utuafare. Ua faaite te amaa o Vénézuela: “E ere i te mea ohie ia faauta 130 tǎne maa i te taatoaraa o teie tuhaa fenua i te mau avaˈe atoa e ia horoa-roa-hia i te rima o te mau taeae e hinaaro mau ra te tauturu.” Ia ore te maa e pê oioi, e opere ïa te mau taeae i te maa eita e pê oioi. Te faaite atoa ra te aama: “E hoo rahi mai matou i te maa i te taime e ere i te mea moni roa. I muri iho, e faauta matou i te reira ma te faaohipa i te mau ravea e ere i te mea moni roa.”

No te mea aita e mori pereoo e mea iti te pereoo, e taataahi te mau taeae apî 18 kilometera na nia i te pereoo taataahi no te afai i te maa no ta ratou amuiraa

 Mea au roa na Leonel, hoê mero o te Tomite tauturu no te ati natura, i ta ˈna hopoia. Te parau ra o ˈna: “Ia ohipa oe no te tauturu mea taa ê mau. Ua tauturu teie hopoia taa ê ia ˈu, i te poheraa ta ˈu vahine i te COVID-19. Te tamau ra vau i te ohipa e te ite ra vau mea faufaa ta ˈu ohipa no te mau taeae o te hinaaro ra i te tauturu. Ua ite mau â vau, nafea Iehova i te tapearaa i ta ˈna parau fafau, e aita o ˈna i faarue i to ˈna nunaa.”

 Ua tauturuhia hoê taeae tei tavini atoa na mua ˈˈe i roto i te hoê tomite tauturu. Te parau ra o ˈna: “O vau teie nei te tauturuhia. Aita matou i tauturu-noa-hia i te pae materia. Ua tauturu atoa mai te mau taeae ia ˈu e ta ˈu vahine ia vai hau noa. Ua aupuru, tamahanahana e faaitoito ratou ia mâua.”

 E tairi mai te tahi mau ati ma te manaˈo-ore-hia. Tera râ, pinepine te faanahonahoraa a Iehova i te ite e opere oioi i te mau mea hinaarohia, maoti ta outou mau ô horoa noa no te ohipa na te ao nei. Ua faataahia te tahi o te mau ravea no te ô horoa noa i nia donate.jw.org. Te haamauruuru nei matou no to outou aau horoa noa.

a Ua haamata te matahiti taviniraa i te 1 no Tetepa 2020 e ua oti i te 31 no Atete 2021.

b Te moni faahitihia i roto i teie tumu parau e moni Marite ïa.