I te 6 no Novema 2024, ua faatia te tomite faanahoraa fenua o te oire no Ramapo ia patuhia te mau fare no te hamaniraa video i Ramapo. Te auraa ïa, e nehenehe matou e haamata i teie nei i taua ohipa iti rahi ra i tera vahi.

I Tiunu 2023, ua faatia ê na te tomite faanahoraa fenua no Ramapo ia ravehia te tahi mau ohipa matamua. Auaˈe tera parau faatia i nehenehe ai matou e faaineine i te vahi paturaa, mai te tatararaa i te mau tumu raau. Maoti râ te parau faatia no Novema, e nehenehe ïa matou e haamata i te paturaa, mai te hamaniraa i te purumu rahi e tae atu ai i te vahi paturaa, e te tatararaa i te mau ofai rarahi no te hamani i te niu o te mau fare e patuhia. Te vai atoa ra te turairaa i te repo no te faaafaro i te fenua, e te tamaumauraa i te mau tuio pape i roto i te repo.

Teie ta taeae Kevin Page, no te Tomite paturaa, e parau ra: “Oaoa roa matou i te horoaraahia mai teie parau faatia. Mai te haamataraa mai iho â, ua ite matou i to Iehova haamaitairaa i to matou faaoromai e rohiraa. Te haamauruuru nei matou ia ˈna no te nuuraa teie ohipa i mua. E te pure nei matou ia ˈna ia haamaitai noa i teie opuaraa.”

Ei fetii taeae na te ao nei, te oaoa nei matou no teie parau apî. E te pure nei matou ia Iehova ia haamaitai rahi i teie opuaraa e te feia atoa e apiti i teie ohipa.—Hagai 1:14.