Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Eaha te Watch Tower Bible and Tract Society?

Eaha te Watch Tower Bible and Tract Society?

Te Watch Tower Bible and Tract Society of Pennsylvania, e taatiraa ïa o te ore e imi ra i te moni, tei haamauhia i 1884 ia au i te ture a te Hau no Pennsylvanie, i te Hau Amui. E faaohipahia te reira e te mau Ite no Iehova no te turu i ta ratou ohipa na te ao nei, oia atoa te piaraa i te mau Bibilia aore ra papai Bibilia.

Ia au i ta ’na ture, e taatiraa faaroo te reira o te haapii ra e o te tauturu ra i te taata. Ua haamauhia iho â râ te reira no te pororaa e te haapiiraa i te evanelia a te Basileia o te Atua faaterehia e Iesu Mesia. E nehenehe te mau taata e riro ei melo o tera taatiraa e titau-ana‘e-hia ratou. Aita te reira e niuhia i nia i te rahiraa moni ta ratou e pûpû. E tauturu te mau melo o te taatiraa i te Tino aratai a te mau Ite no Iehova.

Te mau taatiraa tauturu o te haapao ra i te mau ohipa i te pae ture

Hau atu i te Watch Tower Bible and Tract Society of Pennsylvania, e faaohipa atoa te mau Ite no Iehova e rave rahi atu â taatiraa tauturu o te haapao ra i te mau ohipa i te pae ture i roto e rave rahi fenua. I roto i to ratou i‘oa, e faaohipa vetahi o tera mau taatiraa tauturu i te mau parau “Watch Tower,” “Watchtower” aore ra i te huriraa o hoê o tera mau faahitiraa.

I te taime teie mau taatiraa tauturu o te haapao ra i te mau ohipa i te pae ture i haamauhia ’i, ua nehenehe matou e rave hau atu â ohipa mai teie:

  • Te papairaa e te piaraa. Ua nenei matou 220 mirioni Bibilia e 40 miria papai Bibilia na roto e hau atu 700 reo. Maoti te reni Internet jw.org, e nehenehe te taata e taio i te Bibilia ma te tamoni ore na roto e hau atu 120 reo. E nehenehe atoa ratou e ite i te mau pahonoraa o te mau uiraa Bibilia mai teie: “Te tiaturi ra anei te mau Ite no Iehova ia Iesu?

  • Te haapiiraa. E rave rahi pǔpǔ haapiiraa Bibilia tei faaterehia. Ei hi‘oraa, mai 1943, ua fana‘o hau atu 8 000 Ite no Iehova i te hoê faaineineraa hohonu i te Haapiiraa Bibilia no Gileada a te Watchtower. Ua nehenehe ïa ratou e tavini ei mitionare, e tauturu e e haapuai i ta matou ohipa na te ao nei. I te hebedoma taitahi, e fana‘o e mirioni taata i te haapiiraa maoti te mau putuputuraa faaterehia i roto i te amuiraa taitahi. Oia atoa te feia e ere i te Ite no Iehova. E faatere atoa matou i te tahi mau piha no te haapii i te taata i te taio e i te papai. No te na reira, ua pia matou i te hoê buka haapii i te taio e i te papai na roto e 110 reo.

  • Te mau ô tauturu. Ua horoa matou i te mau ravea no te tamǎrû i te feia tei roohia i te ati: te ati faatupuhia e te taata mai te taparahiraa taata i Rwanda i 1994 aore ra te ati natura mai te aueueraa fenua i Haïti i 2010.

E rave rahi tei ravehia maoti teie mau taatiraa, aita râ ta matou mau ohipa i niuhia i nia i te tahi noa ’‘e o teie mau taatiraa. E hopoia ta te Kerisetiano taitahi ia poro e ia haapii i te taata i te parau apî oaoa. Na te Atua hoi i tono ia ratou. (Mataio 24:14; 28:19, 20) Te tiaturi nei matou e o te Atua o te turu ra i ta matou ohipa e e tamau Oia i te riroraa ei Atua o te “faatupu ra” i te reira.—Korinetia 1, 3:6, 7.

No te ite atu â

E nafea te mau papai a te Ite no Iehova e faaineinehia ’i, a hurihia ’tu ai?

Te nenei nei matou i te mau papai na roto e 750 tiahapa reo. No te aha?

Ia tupu te hoê ati natura, e turai te here ia tauturu

I roto ahuru tiahapa fenua, te tauturu nei te mau Ite no Iehova i tei atihia.