Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

No te aha te mau Ite no Iehova e ore ai e haere i te tama‘i?

No te aha te mau Ite no Iehova e ore ai e haere i te tama‘i?

Eita te mau Ite no Iehova e haere i te tama‘i. Teie te tahi mau tumu:

  1. Te auraroraa i te Atua. Te na ô ra te Bibilia e e taui te mau tavini a te Atua i “ta ratou ‘o‘e ei auri arote” e e ore ratou “e haapii faahou i te tama‘i.”—Isaia 2:4.

  2. Te auraroraa ia Iesu. Ua parau Iesu i te aposetolo Petero: “A oomo i to ‘o‘e [i] roto i te vehî; o te rave hoi i te ‘o‘e ra, e pohe ïa i te ‘o‘e.” (Mataio 26:52) Ua faaite Iesu i ǒ nei e eita ta ’na mau pǐpǐ e rave i te mauhaa tama‘i.

    E auraro ta Iesu mau pǐpǐ i ta ’na faaueraa eiaha e riro i to teie nei ao ma te tapea i te tiaraa amui ore i te pae poritita. (Ioane 17:16) Aita ratou e patoi ra i ta te mau faehau e rave nei aore ra e haafifi ra i te feia i maiti e haere i te nuu.

  3. Te here ia vetahi ê. Ua faaue Iesu i ta ’na mau pǐpǐ: “E aroha outou ia outou iho.” (Ioane 13:34, 35) E riro ïa ratou ei fetii taeae nunaa rau o te ore roa ’tu e aro i to ratou taeae aore ra tuahine.—Ioane 1, 3:10-12.

  4. Te hi‘oraa o te mau Kerisetiano matamua. Ia au i te hoê buka ite rahi (Encyclopedia of Religion and War), aita te mau pǐpǐ matamua a Iesu i haere i te tama‘i aore ra i rave i te tau faehau. Aita hoi te reira e tu ra e to Iesu mana‘o no nia i te here e i ta ’na faaueraa e here i te enemi. Ua parau atoa te taata maimi i te pae faaroo ra o Peter Meinhold no nia tera mau pǐpǐ matamua a Iesu: “No ratou, aita roa ’tu e nehenehe e riro ei Kerisetiano e ei faehau atoa.”

Ta ratou e rave ra no te totaiete

E melo maitai te mau Ite no Iehova o te totaiete. Aita ratou e haafifi ra i te hau o te fenua i reira ratou e ora ’i. Te faatura nei matou i te mana faatere ia au i teie mau faaueraa Bibilia:

  • “Ia auraro maite . . . i te feia mana toroa.”—Roma 13:1.

  • “E hopoi maori i ta Kaisara ia Kaisara ra, e ta te Atua ra, e hopoi â ïa i te Atua ra.”—Mataio 22:21.

Te auraro nei ïa matou i te ture, te aufau nei i ta matou tute e te turu nei i ta te faatereraa e rave nei no te maitai o te huiraatira.