Eaha to roto?

Mau faaho'iraa ê

Ite no Iehova

Tahiti

Eaha te Tino aratai a te mau Ite no Iehova?

Eaha te Tino aratai a te mau Ite no Iehova?

E pǔpǔ iti Kerisetiano paari te Tino aratai o te horoa ra i te aratairaa na te mau Ite no Iehova na te ao nei. E piti tuhaa ohipa ta ratou e haapao:

  • E tiaau ratou i te faaineineraa o te mau haapiiraa niuhia i nia i te Bibilia e horoahia na roto i te mau mea e piahia, i te mau putuputuraa e i te mau haapiiraa a te mau Ite no Iehova.—Luka 12:42.

  • E tiaau ratou i te ohipa a te mau Ite no Iehova na te ao nei ma te horoa i te aratairaa no te pororaa i te taata atoa, e ma te tiaau i te faaohiparaa o te mau faufaa horoahia ei ô.

Te pee nei te Tino aratai i te hi‘oraa o te mau aposetolo e te mau matahiapo i Ierusalema o te senekele matamua, o tei rave i te tahi mau faaotiraa faufaa roa no te amuiraa Kerisetiano taatoa. (Ohipa 15:2) Mai tera mau tane haapao maitai, e ere na te mau melo o te Tino aratai e faatere ra i ta matou faanahonahoraa. E imi râ ratou i te aratairaa i roto i te Bibilia, ua ite hoi ratou e ua faatoroa te Atua ra o Iehova ia Iesu Mesia ei Upoo no te amuiraa.—Korinetia 1, 11:3; Ephesia 5:23.

O vai te mau melo o te Tino aratai?

I te ava‘e Mati 2016, te mau melo o te Tino aratai o Samuel Herd ïa, Geoffrey Jackson, Stephen Lett, Gerrit Lösch, Anthony Morris III, Mark Sanderson, e o David Splane. E ohipa ratou i ta matou pu rahi i Warwick, New York, Marite.

Mea nafea te faanahoraahia te Tino aratai?

Ua haamau te Tino aratai e ono tomite no te tiaau e rave rahi tuhaa o ta matou ohipa. E ohipa te melo taitahi i roto hoê aore ra hau atu o teie mau tomite.

  • Tomite tiaau: haapao i te mau ohipa i te pae o te ture e faanaho i te mau ravea ia tupu te tahi mau ati, ia hamani-ino-hia to matou mau taeae e tuahine no ta ratou mau tiaturiraa faaroo, e ia farerei te mau Ite no Iehova i te tahi mau fifi ru.

  • Tomite rave ohipa: tiaau i te mau faanahoraa no te mau melo o te Betela.

  • Tomite piaraa: haapao i te piaraa e te faarevaraa o te mau papai Bibilia e te paturaa o te mau piha putuputuraa, piha ohipa no te huriraa e te mau amaa.

  • Tomite taviniraa: tiaau i te ohipa pororaa i te parau apî oaoa o te Basileia.—Mataio 24:14.

  • Tomite haapiiraa: aratai i te faaineineraa o te haapiiraa pae varua e horoahia i te mau putuputuraa, i te mau haapiiraa e na roto i te mau papai tei haruharuhia e te mau video.

  • Tomite papairaa: aratai i te faaineineraa o te haapiiraa pae varua e horoahia na roto i te mau papai neneihia e i nia i ta matou reni Internet. E tiaau atoa ratou i te ohipa huriraa.

Hau atu i ta ratou ohipa na roto i teie mau tomite, e putuputu te Tino aratai i te mau hebedoma atoa no te tauaparau no nia i te mau mea e hinaaro-mau-hia e te faanahonahoraa. E aparau te mau melo no nia i te mau Papai, e ani atoa ratou i te aratairaa a te varua mo‘a o te Atua, ia rave ratou pauroa i te hoê â faaotiraa.—Ohipa 15:25.

O vai te mau tauturu o te Tino aratai?

E Kerisetiano e nehenehe e tiaturihia te tauturu ra i te mau tomite a te Tino aratai. (Korinetia 1, 4:2) Mea aravihi ratou e ua matau maitai i te ohipa tiaauhia e te tomite ta ratou e tauturu ra. E putuputu atoa ratou e te Tino aratai i te mau hebedoma atoa. Eita ratou e rave i te mau faaotiraa, e horoa râ i te tahi mau a‘oraa faufaa e te tahi mau haamaramaramaraa. E rave ratou mai tei faaotihia e te tomite e e hi‘opoa ratou i ta tera mau faaotiraa i horoa mai. Hau atu â, e nehenehe ratou e tonohia e te Tino aratai no te haere e farerei i to matou mau taeae e tuahine i te tahi mau fenua ê, aore ra e horoa i te tahi mau oreroraa parau i te mau rururaa matahiti anei aore ra i te horoaraa i te mau parau tuite Gileada.

TE MAU TAUTURU

Tomite

I‘oa

Tiaau

  • Ekrann John

 

Rave ohipa

  • Grizzle Gerald

  • LaFranca Patrick

  • Molchan Daniel

  • Walls Ralph

 

Piaraa

  • Adams Don

  • Butler Robert

  • Corkern Harold

  • Gordon Donald

  • Luccioni Robert

  • Reinmueller Alex

  • Sinclair David

 

Taviniraa

  • Breaux Gary

  • Dellinger Joel

  • Hyatt Seth

  • Mavor Christopher

  • Perla Baltasar tamaiti

  • Turner William tamaiti

  • Weaver Leon tamaiti

 

Haapiiraa

  • Curzan Ronald

  • Flodin Kenneth

  • Malenfant William

  • Noumair Mark

  • Schafer David

 

Papairaa

  • Ciranko Robert

  • Mantz James

  • Marais Izak

  • Smalley Gene

  • van Selm Hermanus

 

No te ite atu â

PARAU APÎ OAOA A TE ATUA

No te aha e faanahonahoraa ’i ta te Atua?

Te faaite ra te Bibilia no te aha e nafea te mau Kerisetiano i faanahohia ’i.

O vai te rave nei i to Iehova hinaaro i teie mahana?

Eaha te ohipa a te Tino aratai a te mau Ite no Iehova i teie mahana?

I te senekele matamua, i haa na te hoê pǔpǔ iti matahiapo e aposetolo ei tino aratai no te amuiraa Kerisetiano. E i teie mahana?

UIRAA A TE TAATA

E pǔpǔ ekalesiatiko aufauhia anei ta te mau Ite no Iehova?

Te vai ra anei te pǔpǔ ekalesiatiko e te feia haere pure? O vai te mau tavini a te Atua?