Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

E pǔpǔ iti faaroo anei te mau Ite no Iehova?

E pǔpǔ iti faaroo anei te mau Ite no Iehova?

Eita, e ere te mau Ite no Iehova i te hoê pǔpǔ iti faaroo. E Kerisetiano râ matou e tutava nei i te pee i te hi‘oraa o Iesu Mesia e i te ora ia au i ta ’na mau haapiiraa.

Eaha te hoê pǔpǔ iti faaroo?

Mea taa ê te auraa o teie ta‘o no tera e tera taata. E hi‘o mai râ tatou e piti mana‘o matauhia no nia i te mau pǔpǔ iti faaroo e no te aha e ere ai matou mai tera.

  • Te hoê pǔpǔ iti faaroo no vetahi, e haapaoraa apî ïa aore ra taa ê roa i tei matauhia. Aita te mau Ite no Iehova i haamau i te hoê haapaoraa apî. Ta matou haamoriraa, mai ta te mau Kerisetiano ïa o te senekele matamua. Ua papaihia to ratou hi‘oraa e ta ratou mau haapiiraa i roto i te Bibilia. (Timoteo 2, 3:16, 17) Te tiaturi nei matou e na te mau Papai Mo‘a e faaite mai e nafea ia haamori i te Atua.

  • Te hoê pǔpǔ iti faaroo no vetahi, mea atâta ïa e e taata te aratai. Eita te mau Ite no Iehova e hi‘o i te taata ei aratai no ratou. Te pee nei râ matou i te ture aveia ta Iesu i haamau no ta ’na mau pǐpǐ. Ua parau oia: “Hoê roa hoi o outou aratai, o te Mesia.”—Mataio 23:10.

E ere te mau Ite no Iehova i te hoê pǔpǔ iti faaroo atâta. E faahopearaa maitai to ta ratou haapaoraa i nia i to ratou mau taata e ia vetahi ê atoa. Ei hi‘oraa, ua tauturu ta matou taviniraa e rave rahi taata ia haapae i ta ratou mau peu ino, mai te raau taero e te inu-hua-raa i te ava. I te ao nei, e haapii atoa matou i te taata ia taio e ia papai. E ia tupu te ati, e tauturu matou ia vetahi ê. Te rohi nei matou i te hamani maitai i te taata, mai ta Iesu i faaue i ta ’na mau pǐpǐ.—Mataio 5:13-16.

 

No te ite atu â

E nafea e itehia ’i te haamoriraa mau?

Hoê ana‘e anei haapaoraa mau? Hi‘o e pae ravea no te ite i te haamoriraa mau.