Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

No te aha te mau Ite no Iehova e ore ai e faatupu i te oroa Pakate?

No te aha te mau Ite no Iehova e ore ai e faatupu i te oroa Pakate?

Mana‘o hape matauhia

Tei faaroo-pinepine-hia: Eita te mau Ite no Iehova e faatupu i te Pakate no te mea aita ratou e tiaturi ra ia Iesu.

Te mea mau: No matou, o Iesu Mesia to tatou Faaora. Te tutava nei ïa matou i te pee ia ’na.—Petero 1, 2:21; Luka 2:11.

Tei faaroo-pinepine-hia: No outou, aita Iesu i faatiahia mai.

Te mea mau: Te tiaturi nei matou i to Iesu tia-faahou-raa; no matou, o ’na te niu o te faaroo Kerisetiano e te poro nei iho â matou i te reira.—Korinetia 1, 15:3, 4, 12-15.

Tei faaroo-pinepine-hia: Te ere ra hoi ta outou tamarii i te mau maitai o te oroa Pakate. Aita outou e here mau ra ia ratou.

Te mea mau: Oia. Te tutava nei matou i te aupuru e i te faaoaoa ia ratou.—Tito 2:4.

No te aha te mau Ite no Iehova e ore ai e faatupu i te Pakate?

  • Aita te oroa Pakate i roto i te Bibilia.

  • Ua faaue Iesu ia haamana‘o i to ’na poheraa eiaha râ to ’na tia-faahou-raa. Ia au i te tarena ava‘e o te Bibilia, e faatupuhia te reira hoê taime i te matahiti. Ta matou iho â ïa e rave nei.—Luka 22:19, 20.

  • Ua taaihia te oroa Pakate e te peu i ravehia na no te faahotu i te mau faaapu. E ore te Atua e farii i te reira. Te titau maira o ’na ia haamori ia ’na ana‘e. Ia na reira tatou ma te ore e rave i te mau peu ta ’na e riri ra.—Exodo 20:5; Te mau arii 1, 18:21.

Te faaitoito maira te Bibilia ia feruri e ia faaite i te paari i te pee hanoa i te peu a te taata. (Maseli 3:21; Mataio 15:3) Ua niuhia ta matou faaotiraa eiaha e faatupu i te Pakate i nia i te Bibilia. I te tahi taime, e faataa matou i te reira i te taata. Na ratou iho â râ e rave i te faaotiraa.—Petero 1, 3:15.

 

No te ite atu â

E nafea e itehia ’i te haamoriraa mau?

Hoê ana‘e anei haapaoraa mau? Hi‘o e pae ravea no te ite i te haamoriraa mau.