Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

No te aha te mau Ite no Iehova e poro ai? Ia faaorahia ratou?

No te aha te mau Ite no Iehova e poro ai? Ia faaorahia ratou?

Eita. E poro iho â matou na te mau fare. Aita râ matou e mana‘o nei e maoti te reira e faaorahia ’i matou. (Ephesia 2:8) No te aha?

A feruri na e e parau te hoê taata maitai e e horoa oia i te tahi ô moni rahi na te feia atoa e haere i te tahi vahi i te mahana ta ’na i faataa. Mai te peu e mea tiaturi na oe ia ’na, e faaroo oe i ta ’na parau. E faaite atoa paha oe i te reira i to oe mau hoa e fetii ia fana‘o atoa ratou i taua ô ra. E ere râ no te haereraa i tera vahi i te mahana faataahia e fana‘o ai oe i te reira, no te mea râ ua horoahia mai te reira.

Te tiaturi nei te mau Ite no Iehova i ta te Atua parau fafau. Oia hoi e ora te feia atoa e faaroo ia ’na e a muri noa ’tu. (Roma 6:23) Te faaitoito nei matou i te faaite i to matou faaroo ia vetahi ê ia fana‘o atoa ratou i ta te Atua i fafau. Aita râ matou e mana‘o nei e maoti ta matou pororaa e faaorahia ’i matou. (Roma 1:17; 3:28) Noa ’tu eaha ta te taata e rave, e ore roa ïa e navai no te fana‘o i te haamaitairaa faahiahia mau a te Atua. Te na ô ra te Tito 3:5: “Ua faaora oia ia tatou, eiaha no te parau-tia i ravehia e tatou nei, no to ’na ra râ aroha.