Eaha to roto?

Mau faaho'iraa ê

Ite no Iehova

Tahiti

No te mau Ite no Iehova, ua poietehia anei te mau mea atoa e ono noa mahana?

No te mau Ite no Iehova, ua poietehia anei te mau mea atoa e ono noa mahana?

Aita. Te tiaturi nei te mau Ite no Iehova e na te Atua i poiete i te mau mea atoa. Aita râ matou e farii ra i te mana‘o e ua na reira o ’na e ono noa mahana. No te aha? Te patoi ra te mana‘o e rave rahi o te turu ra i tera haapiiraa i te Bibilia. Teie e piti hi‘oraa:

  1. Te roaraa o na mahana poieteraa e ono. No vetahi e tiaturi ra i tera haapiiraa, na mahana poieteraa e ono, e mahana ïa e 24 hora. I roto râ i te Bibilia, e nehenehe te ta‘o “mahana” e faaau i te hoê tau roa.—Genese 2:4; Salamo 90:4.

  2. Te taio matahiti o te fenua. Te haapii nei vetahi e tiaturi ra i tera haapiiraa e tau tausani matahiti noa to te fenua. Ia au râ i te Bibilia, i vai na te fenua e te ao nui hou na mahana poieteraa e ono. (Genese 1:1) No reira te mau Ite no Iehova e ore ai e patoi i te mau maimiraa a te aivanaa e faaite ra e e miria matahiti to te fenua.

Noa ’tu e te tiaturi nei te mau Ite no Iehova e ua poietehia te mau mea atoa, aita matou e patoi ra i te ihi. No matou, te tuati ra te ihi e te Bibilia.