Eaha to roto?

Mau faaho'iraa ê

Ite no Iehova

Tahiti

Te vai ra anei te Bibilia a te mau Ite no Iehova?

Te vai ra anei te Bibilia a te mau Ite no Iehova?

Ua faaohipa te mau Ite no Iehova e rave rahi huriraa a haapii ai i te Bibilia. E rave râ matou i te New World Translation of the Holy Scriptures i roto i te mau reo te vai ra tera huriraa. Mea au roa na matou tera huriraa no te mea ua faaohipahia te i‘oa o te Atua, mea tano atoa e mea maramarama.

  • Ua faaohipahia te i‘oa o te Atua. Aita te tahi mau taata tei pia i te Bibilia i faahanahana i te Atua. Ei hi‘oraa, i roto i te hoê huriraa Bibilia, ua tapaohia te i‘oa o na 70 taata tei apiti i te faaineineraa o te reira. Aita roa ’tu tera huriraa e faaohipa ra i to te Atua i‘oa, Iehova!

    Area râ te New World Translation, ua faaho‘ihia mai te i‘oa o te Atua i te mau tausani vahi e vai ra tera i‘oa i roto i te mau papai tumu o te Bibilia. Aita atoa te mau taata tei ohipa i nia i tera huriraa i faaite i to ratou i‘oa.

  • E mea tano. Aita te mau huriraa atoa e tuati maite i te papai tumu o te Bibilia. Ei hi‘oraa, i roto i te tahi Bibilia, ua hurihia te Hebera 12:2 mai tera: “Ma te tiatonu maite to tatou mata ia Iesu, . . . o tei faaoromai i te satauro.” I roto i te papai tumu o te Bibilia, ua papaihia “pou haamauiuiraa”, eiaha râ “satauro.” Peneia‘e ua tiaturi te mau taata huri e ua pohe Iesu i nia i te satauro, oia hoi e piti raau hoê mea tarava i raro rii mai i te tahi. Aita râ te Bibilia e haapii i te reira. Ua hurihia ïa tera irava i roto i te New World Translation (aita na roto i te reo Tahiti) ei: “Ma te tiatonu maite to tatou mata ia Iesu, . . . o tei faaoromai i nia i te hoê pou haamauiuiraa.”

  • E mea maramarama. E mea tano te hoê huriraa maitai. E mea faufaa atoa ia maramarama te reira e te ohie ia taa. Teie hoê hi‘oraa: i roto i te Roma 12:11, ua faaohipa te aposetolo Paulo i te hoê parau o “pihaa te varua” te auraa. I te mea e aita e auraa na roto i te reo Beretane e paraparauhia i teie mahana, ua hurihia teie irava i roto i te New World Translation (aita na roto i te reo Tahiti) ei “itoito roa maoti te varua mo‘a.” E mea ohie a‘e ia taa.

Mea taa ê te huriraa o te New World Translation no te mea ua faaohipahia to te Atua i‘oa, e mea tano e maramarama atoa. Hau atu â, ua operehia te reira ma te tamoni ore. E mirioni ïa taata te nehenehe e taio i te Bibilia na roto i to ratou iho reo, oia atoa te feia o te ore e nehenehe e hoo mai i te tahi.

No te ite atu â

O VAI TE RAVE NEI I TO IEHOVA HINAARO I TEIE MAHANA?

No te aha te mau Ite no Iehova i nenei ai te Huriraa o te ao api?

No te aha e mea taa ê ai te huriraa o te Huriraa o te ao api?

OHIPA PIARAA

Huriraa i ‘te parau a te Atua i tuuhia mai ia ratou ra’—Roma 3:2

Ua faaohipa te mau Ite no Iehova i e rave rahi huriraa Bibilia i te roaraa o te senekele i mairi a‘enei. No te aha ratou i huri atoa ’i i te Bibilia na roto i te reo Beretane no teie nei tau?