Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

E farii anei te mau Ite no Iehova i te rapaauraa?

E farii anei te mau Ite no Iehova i te rapaauraa?

E rapaau iho â te mau Ite no Iehova ia ratou. Noa ’tu ta matou atuaturaa i te tino ia maitai te ea, i te tahi taime ‘e hinaaro iho â matou i te taote.’ (Luka 5:31, Te Faufaa Api) Mai te Kerisetiano ra o Luka no te senekele matamua, e taote vetahi mau Ite no Iehova.—Kolosa 4:14.

Aita ana‘e te tahi rapaauraa e tuati ra i te mau faaueraa Bibilia, e haapae matou i te reira. Ei hi‘oraa, i te mea e te opani ra te Bibilia ia amu i te toto, eita matou e farii ia faaohipahia te reira no te rapaau i te ma‘i. (Ohipa 15:20) Ia au atoa i te Bibilia, eiaha roa ’tu te peu tahutahu ia riro ei ravea rapaauraa.—Galatia 5:19-21.

Aita te rahiraa o te mau rapaauraa e ofati ra i te mau faaueraa Bibilia. I roto i tera tuhaa, na te taata taitahi ïa e faaoti no ’na iho. E farii paha te tahi Ite i te hoê rapaauraa, area te tahi atu, eita ïa.—Galatia 6:5.