Eaha to roto?

Mau faaho'iraa ê

Ite no Iehova

Tahiti

E titauhia anei ia ’u ia riro ei Ite no Iehova, ia haapii au i te Bibilia e o ratou?

E titauhia anei ia ’u ia riro ei Ite no Iehova, ia haapii au i te Bibilia e o ratou?

Eita. Eita roa ’tu oe e faahepohia ia riro ei Ite no Iehova. E mirioni taata te haapii ra i te Bibilia e o matou, eita râ ratou e riro ei mero o ta matou mau amuiraa. * Te haapii atu nei matou i te Bibilia ia vetahi ê no te faaite i ta te Bibilia e parau ra. Na oe iho e faaoti eaha ta oe e rave e te mau mea ta oe i haapii mai. Ua ite ia matou e na te taata taitahi e faatupu i te faaroo.—Iosua 24:15.

E nehenehe anei au e faaohipa i ta ’u iho Bibilia i roto i te haapiiraa Bibilia?

E. Papu maitai, te oaoa nei matou i te faaohipa i te New World Translation of the Holy Scriptures no te mea ua hurihia te reira na roto i te reo o teie tau. Mai te peu e e hinaaro oe e fana‘o i te hoê Bibilia, e nehenehe matou e horoa ’tu i te reira ma te tamoni ore. Teie nei râ, te oaoa nei matou mai te peu e te faaoti nei oe i te faaohipa i ta oe iho Bibilia. E nehenehe oe e haapii mai i te poroi Bibilia no nia i te tiaturiraa e te faaoraraa maoti e rave rahi huriraa Bibilia.

No te aha outou e haapii atu ai i te Bibilia i te feia e ere i te Ite no Iehova?

  • E na reira matou no te mea te here nei matou i te Atua ra o Iehova. Te hinaaro nei te Atua ia haapii atu te mau Kerisetiano ia vetahi ê i te mau mea ta ratou i haapii mai. (Mataio 22:37, 38; 28:19, 20) No matou, aita ’tu e fana‘oraa taa ê rahi a‘e i te riroraa ei “hoa rave ohipa . . . no te Atua” no te tauturu i te mau taata ia ite eaha ta te Parau a te Atua e haapii mai ra.—Korinetia 1, 3:6-9.

  • E na reira atoa matou no te mea te here nei matou i to matou mau taata-tupu. (Mataio 22:39) Te oaoa nei matou i te faaite ia vetahi ê i te mau mea faahiahia ta matou i haapii mai.—Ohipa 20:35.

^ par. 2 Teie te tahi mau haamaramaramaraa no nia i te mau haapiiraa Bibilia faaterehia: I ???, ua faaterehia e ??? haapiiraa Bibilia i te ava‘e taitahi. E rave rahi haapiiraa Bibilia tei faaterehia e e rave rahi taata i te hoê â taime. E ??? noa râ taata tei bapetizohia ei Ite no Iehova i tera matahiti.

 

No te ite atu â

HAAPIIRAA BIBILIA

No te aha e haapii ai i te Bibilia?

E horoa te Bibilia i te mau pahonoraa i te mau uiraa faufaa o te oraraa i te mau mirioni taata na te ao nei. E hinaaro anei oe e ite i tera mau pahonoraa?