Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Eaha to te mau Ite no Iehova mana‘o no nia i te haamatauraa?

Eaha to te mau Ite no Iehova mana‘o no nia i te haamatauraa?

Te tiaturi nei te mau Ite no Iehova e e tauturu te mau aratairaa e a‘oraa Bibilia ia tatou ia rave i te mau faaotiraa ta te Atua e au ra e ia maitai mai tatou. (Isaia 48:17, 18) Aita matou i haamau i taua mau aratairaa ra e a‘oraa, e ora râ matou ia au i te reira. Teie te tahi mau aratairaa no nia i te haamatauraa. *

  • E faanahoraa tamau te faaipoiporaa. (Mataio 19:6) No te mau Ite no Iehova, e ere te haamatauraa i te ohipa hauti no te mea e aratai te reira i te faaipoiporaa.

  • O te feia ana‘e o tei ineine no te faaipoiporaa te nehenehe e haamatau i te tahi taata. Te taime ïa ia “mairi te uaaraa o te apîraa” aore ra ia mairi te taime e mea puai roa te hinaaro e taoto i te hoê apiti.—Korinetia 1, 7:36.

  • O te feia ana‘e aita roa ’tu e opaniraa ia faaipoipo te nehenehe e haamatau. Ua faataa ê paha vetahi i mua i te ture a te taata. Ia au râ i te ture a te Atua, aita ratou e nehenehe e faaipoipo faahou no te mea te tumu hoê o te faataaraa, o te peu taotoraa tia ore ïa.—Mataio 19:9.

  • Ua a‘ohia te mau Kerisetiano o te hinaaro ra e faaipoipo ia maiti i te hoê taeae aore ra tuahine Ite no Iehova ei apiti. (Korinetia 1, 7:39) Ia au i teie aratairaa, e faaipoipo ïa te hoê Ite no Iehova i te hoê taata o te faaite ra e o te faaohipa ra hoê â tiaturiraa ei Ite no Iehova bapetizohia, eiaha râ i te tahi taata o te farii noa ra i taua mau tiaturiraa ra. (Korinetia 2, 6:14) Ua tamau te Atua i te faaue i ta ’na mau tavini ia maiti i te hoê hoa faaipoipo hoê â faaroo e to ’na. (Genese 24:3; Malaki 2:11) Mea au ia faaohipa i teie faaueraa i teie mahana, ia au i te mau aivanaa o to tatou tau. *

  • E mea titauhia i te tamarii ia faaroo i to ratou na metua. (Maseli 1:8; Kolosa 3:20) Ia ora te mau tamarii i to te metua fare, mea tano ia pee ratou i te mau faaotiraa a te metua no nia i te haamatauraa. Ei hi‘oraa, na te mau metua e faaoti mea paari anei ta ratou mau tamarii no te haamatau i te tahi atu taata aore ra eaha te mau ohipa ta ratou e nehenehe e rave.

  • Ia au i te mau faaueraa Bibilia, na te Ite no Iehova taitahi e maiti e haamatau anei o ’na aore ra eita. Oia atoa o vai ta ’na e haamatau atu. E tu te reira i teie faaueraa: “E riro hoi ta te taata nei hopoia ei nia ïa ia ’na iho e ati noa ’‘e.” (Galatia 6:5) Te vai ra râ o te ani i te mana‘o o te tahi atu Ite no Iehova î i te paari o te hinaaro iho â ra i to ratou maitai.—Maseli 1:5.

  • E rave rahi mau peu ite-pinepine-hia i te taime haamatauraa, e mau hara ino mau râ. Ei hi‘oraa, te faaue nei te Bibilia ia tatou ia haapae i te peu taotoraa tia ore. E ere noa râ i te taotoraa e te hoê taata e ere ta oe hoa faaipoipo. O te mau peu tia ore atoa ta te taata e rave e te tahi apiti mai te mirimiriraa i te mero atiraa aore ra te ai mero atiraa e te peu taotoraa na te tiho. (Korinetia 1, 6:9-11) No te Atua, e “peu faufau” ia faaara i te hinaaro o te tahi atu hou te faaipoiporaa, noa ’tu aita raua e taoto roa ’tu. (Galatia 5:19-21) Aita ’toa te Bibilia e farii i te mau “parau tiaâ,” mai te mau aparauraa no nia i te mau peu taotoraa tia ore.—Kolosa 3:8.

  • E haavare rahi to to tatou aau, oia hoi to tatou huru mau. (Ieremia 17:9) E nehenehe te aau e turai i te hoê taata ia rave i te tahi ohipa noa ’tu e ua ite oia e mea ino te reira. E mea maitai ïa ia ape te feia e haamatau nei ia ratou i te mau tupuraa atâta mai te haereraa o ratou ana‘e i te hoê vahi. E mea maitai a‘e ia haere ratou e te tahi pǔpǔ taata aore ra ia maiti maitai i te hoê taata apee. (Maseli 28:26) Ua ite te mau Kerisetiano taa noa o te hinaaro ra e faaipoipo e mea atâta ia haere i nia i te mau reni Internet no te haamatau i te tahi atu. E nehenehe hoi ratou e faatupu i te auhoaraa e te hoê taata ta ratou e ore roa ’tu e matau.—Salamo 26:4.

^ par. 2 Aita te haamatauraa e ite-pinepine-hia i roto i te mau ta‘ere atoa. Aita te Bibilia e parau ra e e mea titauhia ia haamatau hou te faaipoiporaa.

^ par. 6 Ei hi‘oraa, te faaite ra te hoê papai vea no nia i te faaipoiporaa e no nia i te utuafare e ia au e toru maimiraa e mea maoro a‘e te faaipoiporaa (25 tae atu i te 50 matahiti aore ra hau atu) mai te peu e hoê â faaroo to te hoa faaipoipo.—Marriage & Family Review, tuhaa 38, uiraa 1, api 88 (2005).