Eaha to roto?

Mau faaho'iraa ê

Ite no Iehova

Tahiti

Eaha te mana‘o o te mau Ite no Iehova no nia i te faataaraa?

Eaha te mana‘o o te mau Ite no Iehova no nia i te faataaraa?

Te pee nei matou i te mana‘o o te Bibilia no nia i te faaipoiporaa e te faataaraa. Na te Atua i haamau i te faaipoiporaa ia riro te reira ei auhoêraa tamau i rotopu i te hoê tane e te hoê vahine. Te tumu Bibilia otahi no te faataa, o te peu taotoraa tia ore ïa.—Mataio 19:5, 6, 9.

E tauturu anei ta te mau Ite no Iehova no te mau hoa faaipoipo e fifihia ra?

E, ma te ravea rau:

  • Papai. E pia-tamau-hia te mau tumu parau o te haapuai i te faaipoiporaa, o te feia atoa aita e ravea faahou ia mana‘ohia. A hi‘o na i te mau tumu parau “Eiaha e taiva i to hoa faaipoipo,” “E nafea ia faaore noa i te hara?” e “Haapaari i to orua faaipoiporaa e ia oaoa te reira.”

  • Putuputuraa. I ta matou mau putuputuraa a te amuiraa e tairururaa, e aparauhia no nia i te a‘oraa Bibilia no te faaipoiporaa.

  • Matahiapo. E tauturu te mau matahiapo o te amuiraa i te mau hoa faaipoipo ma te faaohipa iho â râ i te mau irava mai te Ephesia 5:22-25.

E tia anei i te mau matahiapo ia farii i te faataaraa o te hoê Ite no Iehova?

Aita. Noa ’tu te tauturu nei te mau matahiapo i te feia faaipoipo mea nafea ia faaruru i te mau fifi i te pae o te faaipoiporaa, aita e tia ia ratou ia parau atu eaha te rave. (Gal. 6:5) Teie râ, aita ta te hoê taata o te maiti ia taa i to ’na hoa faaipoipo e nehenehe e fariihia ia faaipoipo faahou ia au i te mau Papai.—Timoteo 1, 3:1, 5, 12.

Eaha te mana‘o o te mau Ite no Iehova i nia i te faataaraa?

Te faaitoito mai ra te Bibilia ia ore te mau hoa faaipoipo e taa noa ’tu te mau tupuraa fifi. (Kor. 1, 7:10-16) E nehenehe e faaruru e rave rahi fifi maoti te pure-tamau-raa, te faaohiparaa i te mau a‘oraa Bibilia e te faaiteraa i te here. —Korinetia 1, 13:4-8; Galatia 5:22.

Ua faaoti râ te tahi mau Kerisetiano ia taa i ta ratou hoa faaipoipo i roto i te mau tupuraa fifi rahi roa ’‘e mai:

  • te oreraa e hinaaro e aupuru i te utuafare

  • te hamani-ino-raa u‘ana

  • te haafifiraa i te oraraa pae varua. Ei hi‘oraa, e nehenehe te hoê hoa faaipoipo e faahepo i to ’na apiti e Ite no Iehova o ’na ia ore e auraro i te mau ture aveia a te Atua ma te tahi ravea, e ua maiti te hoa faaipoipo o tei faahepohia i te hoê noa ravea no te faaroo i te Atua, eiaha i te taata.—Ohipa 5:29.

No te ite atu â

E NEHENEHE TO UTUAFARE E OAOA

A tiaturi i te Atua no te oaoa e to hoa faaipoipo

Ma te pahono noa i na uiraa e piti, e nehenehe oe e oaoa ’tu â e to hoa faaipoipo.

E NEHENEHE TO UTUAFARE E OAOA

E nafea ia faaafaro i te fifi?

Ia au i ta orua e faaoti, e nehenehe orua e oaoa a maitai atu ai to orua faaipoiporaa aore ra e mauiui a ino atu ai to orua taairaa.