Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

E nehenehe anei te hoê taata e faaoti e ore e riro faahou ei Ite no Iehova?

E nehenehe anei te hoê taata e faaoti e ore e riro faahou ei Ite no Iehova?

E. E nehenehe te hoê taata e faaoti e faarue i ta matou faanahonahoraa:

  • Ma te faaara ’tu. Ia ore te hoê taata e hinaaro faahou e riro ei Ite no Iehova, e faaite aore ra e papai oia i ta ’na faaotiraa.

  • Ma te ohipa. Ua faaite ta ’na mau ohipa e eita oia e hinaaro faahou e riro ei Ite no Iehova. (Petero 1, 5:9) Ei hi‘oraa, ua apiti oia i te tahi atu haapaoraa e ua faaite roa oia i to ’na hinaaro ia vai i roto i tera haapaoraa.—Ioane 1, 2:19.

E ia ore te hoê taata e poro aore ra e haere faahou i ta outou mau putuputuraa? E hi‘o anei outou ia ’na mai te hoê taata tei faaoti e ore e riro faahou ei Ite no Iehova?

Eita roa ’tu. Mea taa ê ia ore e riro faahou ei Ite no Iehova e ia paruparu te faaroo. Pinepine ua faaiti aore ra ua faaea vetahi i ta ratou haamoriraa maa taime no te mea ua paruparu, aita râ ratou i faarue i to ratou tiaturiraa. Eita matou e ape ia ratou. E tutava râ i te tamǎrû e i te tauturu atu. (Tesalonia 1, 5:14; Iuda 22) Ia hinaaro tera taata i te tauturu, e faaitoito te mau matahiapo o te amuiraa ia ’na i te pae varua.—Galatia 6:1; Petero 1, 5:1-3.

Aita râ te mau matahiapo e faahepo ia ’na ia riro noa ei Ite no Iehova. Na te taata taitahi e maiti. (Iosua 24:15) Te tiaturi nei matou e e mea tia ia haamori i te Atua ma te aau tae.—Salamo 110:3; Mataio 22:37.

No te ite atu â

E tiavaru anei te mau Ite no Iehova i to ratou mau taata?

I te tahi taime e titauhia ia tiavaru i te hoê melo o te amuiraa. E nehenehe te reira e turai ia ’na ia taui no te ho‘i mai.

O vai mau â te mau Ite no Iehova?

Ehia rahiraa Ite no Iehova ta oe i matau? Eaha mau na ta oe i ite no nia ia matou?

E faataa ê anei te mau Ite no Iehova i te mau utuafare?

I te tahi taime, ua parihia te mau Ite no Iehova i te faataa ê i te mau utuafare. O te mau Ite iho â anei te tumu o te mau fifi?