Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Ua farii-popou-hia te mau Ite no Iehova i Atlanta

Ua farii-popou-hia te mau Ite no Iehova i Atlanta

“Te haapopou nei au i te mau melo o ta outou faanahonahoraa no te mea te turu nei ratou i te Basileia o te Atua ma te hinaaro mau e te here. Mea faufaa e mea au roa ta outou mau tutavaraa no te tauturu i to outou mau hoa Kerisetiano e i te tahi atu mau taata.”

Ua itehia tera mau mana‘o i roto i te hoê rata papaihia e Kasim Reed, te tavana oire no Atlanta, i Géorgie, Marite. I roto i tera rata, ua farii-popou-hia te mau Ite no Iehova no e toru tairururaa rarahi tei faatupuhia i tera oire.

Ua faaite atoa te mau melo o te apooraa oire no Atlanta e ua farii ratou i te mau tia tairururaa. Ua na ô ratou: “Fatata e vau mirioni Ite no Iehova na te ao nei. Noa ’tu e no roto mai outou e hanere opu e reo, mea hoê outou no te mea hoê â fa ta outou. Te hinaaro mau nei [outou] e faahanahana ia Iehova, te Atua o te Bibilia, te Atua poiete.”

Ua faatupuhia e toru tairururaa i reira i Tiurai e Atete 2014. E piti na roto i te reo Beretane e te tahi atu na roto i te reo Paniora. Ua haere mai te mau tia tairururaa mai 28 a‘e fenua. Ia nehenehe ratou pauroa e taa i te porotarama tei ravehia na roto i te reo Beretane, ua hurihia te reira i te hoê â taime na roto i te reo Rusia e Tapone. E 95 689 taata tei tae mai i na tairururaa e toru.

I te matahiti 2014, ua faatupu te mau Ite no Iehova e 24 tairururaa nunaa rau rarahi i e iva fenua. Ei hi‘oraa, ua faatupuhia e 16 tairururaa i Marite.

 

No te ite atu â

Eaha te Basileia o te Atua?

O vai te arii o te Basileia o te Atua, e eaha ta te Basileia e faatupu?