Eaha to roto?

Piha ohipa e mataitairaa

Te titau manihini nei matou ia oe ia haere e mataitai i ta matou mau piha ohipa e matini neneiraa. E ite oe i te vahi, te mahana e te hora.

 

Afirika Apatoa

Tere mataitairaa

E titauhia anei ia tapao te i‘oa no te hoê tere mataitairaa na mua ’‘e oe e haere mai ai? E. Ia ore ia rahi roa te taata e ia fana‘o te taatoaraa i te tere mataitairaa, te faaitoitohia ’tu nei te feia atoa e haere mai ia ani i te hoê tere mataitairaa noa ’tu te rahi o te pǔpǔ. A na reira hoê a‘e hebedoma na mua ’tu. Mai te peu e aniraa no te hoê tere mataitairaa i te hoê mahana faaearaa ohipa, na mua roa ’tu â ïa.

Mai te peu aita oe i ani mai i te hoê tere mataitairaa, e nehenehe anei e fana‘o i te tahi? I te rahiraa o te taime, aita e nehenehe. Ua taotiahia hoi te rahiraa taata te nehenehe e mataitai i te mahana hoê.

Afea e tae mai ai no ta oe tere mataitairaa? Mea au a‘e ia tae mai oe hoê hora na mua a‘e aore ra iti mai, eiaha râ hau atu. Eita ïa e î roa te taata i te hoê vahi.

E nafea ia ani i te hoê tere mataitairaa? A pata i nia “Tapao i te hoê tere mataitairaa.”

E nehenehe anei e taui aore ra e faaore i te hoê tere mataitairaa? E. A pata i nia “Hi‘o aore ra taui i te hoê tapaoraa.”

E nafea aita ana‘e e tere mataitairaa i te mau mahana ta oe e hinaaro ra? A tamau i te haere e hi‘o i nia i te reni natirara. Peneia‘e e vata mai te tahi ia taui aore ra ia faaore vetahi ê i ta ratou tere mataitairaa.

Tere mataitairaa

1 Robert Broom Drive East

Rangeview

KRUGERSDORP

1739

SOUTH AFRICA

+27 11-761-1002

E-mail: InboxBTHLTours.ZA@jw.org

Vahi fariiraa: E haamata te tere mataitairaa i te Betela na roto i te hoê video poto. E rave rau video te patahia i te roaraa o te tere mataitairaa no te ite eaha te ohipa e ravehia ra i te Betela e e nafea te reira e paturu ai i te haamoriraa mau. I te tuhaa A riro ei hoa no Iehova, e oaoa roa te tamarii ia patahia ratou i te hoho‘a i pihaiiho ia Kaleba raua Turia.

Fariiraa taata i te Tuhaa neneiraa 2: Ua faaineinehia e toru video no te faaite i te faufaaraa o te ohipa huriraa e neneiraa papai na roto i te mau reo tumu. Na roto atu i te hi‘o, e nehenehe e mataitai i te tereraa o te hoê matini neneiraa. Hoê ohipa faahiahia roa, e faataa-maitai-hia mea nafea te i‘oa o te Atua i te faaohiparaahia i roto i te huriraa Bibilia o te tahi mau reo tumu.

Fariiraa taata o te Tuhaa neneiraa 3: Ua faataahia te hoê vahi e ite atu ai outou i te ohipa haponoraa papai, oia atoa i te hoê paruai roro uira o te faaite ehia afata papai e haponohia i tera e tera tuhaa fenua. E mataitai outou e toru video o te faaite i te ohipa paturaa o te mau Piha a te Basileia, te haponoraa papai e te taviriraa e haruharuraa video.

Vahi faafaaearaa: I reira, e nehenehe outou e amu i te maa ta outou i faaineine. E tapearaa pereoo atoa teie no te mau pereoo faauta taata e i te mau mahana faaearaa ohipa, no te mau pereoo atoa ïa.

Pereoo faauta taata: Ua faataahia te reira no te faauta i te taata i te roaraa o te tere mataitairaa.

Ohipa faufaa roa

Te neneihia nei te mau buka, vea, buka rairai e api parau na roto hau atu i te 150 reo a haponohia ’tu ai i te mau amuiraa i na 20 fenua. E hurihia te Bibilia, te mau papai Bibilia e video na roto hau atu i te 20 reo. Maoti te Tuhaa haapao i te paturaa i te mau amaa rahi parauhia RDC, ua nehenehe te amaa e hamani i te mau Piha a te Basileia i roto 42 tuhaa fenua i Afirika.

Rave mai i te api parau mataitairaa