Eaha to roto?

Mau faaho'iraa ê

Ite no Iehova

Tahiti

E tao‘a rahi taa ê mau te faaitehia i Botswana

E tao‘a rahi taa ê mau te faaitehia i Botswana

Mai te 22 e tae atu i te 28 no Atete 2016, i Botswana, te fenua i reira e itehia ’i te mau apoo tei î i te taiamani, ua faaite te mau Ite no Iehova te tahi atu tao‘a rahi taa ê mau i te hoê vahi faaiteiteraa taihaa i Botswana. E itehia i nia i to ratou iri vairaa papai te tahi papai niuhia i nia i te Parau a te Atua, te reni jw.org, te mau video o tei faaitoito ia haapuai i te mau taairaa i rotopu i te mau mero utuafare.

I taua faaiteiteraa, ua anaanatae roa te mau metua e te mau tamarii i te mau anairaa video A riro ei hoa no Iehova o tei faaite e nafea ia faaohipa maitai i te mau aratairaa Bibilia. No te iti râ o te mau video na roto i te reo Setswana, te reo tumu paraparau-rahi-hia i Botswana, mea rahi tei ani ihea roa e noaa mai ai teie mau video.

Ua haere mai te mau taata no te mau vahi atoa o teie fenua i tera faaiteiteraa. E ua noaa ia ratou fatata 10 000 papai, e ua ani mai 120 taata i te hoê haapiiraa Bibilia tamoni ore i ô ratou. Ua maere te rahiraa i te iteraa i te mau Ite no Iehova no roto mai i te amuiraa Beretane e Setswana i te ohipa-amui-raa.

I te pae hopea, ua faaoti te tomite o taua faaiteiteraa e horoa i te re matamua i te mau Ite no Iehova.