Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Ua raea i te mau Ite no Iehova te hoê numera faahiahia roa o te feia poro

Ua raea i te mau Ite no Iehova te hoê numera faahiahia roa o te feia poro

I te matahiti 1987, ua horoa Lyman Swingle, melo o te Tino aratai a te mau Ite no Iehova, i te hoê oreroraa parau i mua e 63 580 taata tei putuputu i te tahua aroraa puaatoro taehae piihia Plaza Monumental i Valencia i Vénézuéla. Mea rahi tei haere mai na nia i te pereoo mataeinaa i te po taatoa e faaroo ia ’na. Teie ta Taeae Swingle i parau i taua nahoa rahi ra: “I teie nei, e ere faahou outou i te hoê amaa iti, e amaa huru rahi rii râ. E ia hi‘ohia, fatata outou i te ô i rotopu i te mau fenua tei hau atu i te 100 000 taata poro!”

I te matahiti 1987 i Vénézuéla, i tapaohia na hau atu i te 38 000 taata poro, oia hoi te mau Ite no Iehova tei poro ma te itoito i te parau apî oaoa o te Basileia. E vau ana‘e fenua tei hau atu i te 100 000 taata poro i tera matahiti.

Mea faahiahia roa te maraaraa te numera o te mau Ite no Iehova na te ao nei. I muri a‘e i te Tama‘i rahi matamua, tau tausani noa taata e faaite haere ra i te Basileia o Iehova. Ua taui râ te reira. Te na ô ra te Buka matahiti a te mau Ite no Iehova no 1943 (Beretane): “E haamaitairaa mau â te tapura taviniraa no te matahiti 1942, noa ’tu e aita i tae pauroa mai no te tahi mau fifi . . . , te itehia ra hoi e i te ao taatoa, ua hau atu i te 106 000 taata poro e apiti ra i te ohipa [pororaa i te parau apî oaoa].” I roto atoa i te ahoaho o te Piti o te tama‘i rahi, mea rahi tei farii i te parau mau Bibilia. I te matahiti 1950, o te Hau Amui no Marite ana‘e tei hau atu i te 100 000 taata poro.

O te fenua Nigéria i muri iho tei raea 100 000 taata poro i te matahiti 1974.

I te matahiti 1975, ua hemo te 100 000 taata poro i Beresilia e i Heremani. Te haapapu ra tera maraaraa i e maha fenua rahi i te anaanatae o te taata na te ao nei i te parau mau Bibilia.

E ati a‘e te fenua nei, te maraa noa ra te numera o te feia e farii ra i te parau apî oaoa. Te tuati ra te reira e ta te Bibilia i tohu: “E riro te mea iti haihai ei tausani; e o tei riirii ra e riro ei fenua itoito: na ’u, na Iehova, e faatupu etaeta i te reira, i to ’na tau.”—Isaia 60:22.

Ia au i te tapura o te matahiti taviniraa 2014, e 24 fenua tei hau atu i te 100 000 Ite no Iehova. E ô atoa mai te fenua Vénézuéla, tei raea taua numera faahiahia roa ra i te matahiti 2007. I te ao nei, te vai ra 115 416 amuiraa a te mau Ite no Iehova e 8 201 545 taata poro.

Fenua tei hau atu i te 100 000 taata poro

Fenua rahi

Fenua

Taata poro

Afirika

Angola

108 607

Repupirita manahune no Congo

216 024

Ghana

125 443

Nigéria

362 462

Zambie

178 481

Asia

Tapone

215 703

Korea Apatoa

100 641

Philipino

196 249

Europa

Beretane

138 515

Farani

127 961

Heremani

166 262

Italia

251 650

Poronia

123 177

Rusia

171 268

Paniora

112 493

Ukraine

150 906

Marite Apatoerau

Kanada

116 312

Mehiko

829 523

Hau Amui no Marite

1 243 387

Marite Apatoa

Raparata

150 171

Beresilia

794 766

Colombie

166 049

Peru

123 251

Vénézuéla

140 226

No te ite atu â

E nafea te mau Ite no Iehova e faanaho ai i te pororaa?

E pee tatou i te hi‘oraa o Iesu a vai ai oia i te fenua nei. Eaha te tahi o teie mau huru pororaa?