Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Te hopoiraa i te poroi a te Bibilia i te mau fenua i Apatoerau roa

Te hopoiraa i te poroi a te Bibilia i te mau fenua i Apatoerau roa

I te matahiti 2014, ua horoa te Tino aratai a te mau Ite no Iehova i te tahi mau aratairaa no te hoê tapura ohipa apî. Te fa, o te hopoiraa ïa i te poroi a te Bibilia i Apatoerau roa, i Europa e i Marite. (Ohipa 1:8) I te haamataraa, ua mana‘ohia no taua tapura ra te mau pǔpǔ taata e ora i Alaska (Hau Amui no Marite), Lapland (Filelane), Nunavut e te mau tuhaa fenua apatoerau no Kanada.

A tau matahiti i teie nei to te mau Ite no Iehova poro-noa-raa i taua mau vahi ra, no te hoê tau poto râ. No reira, i pǔpǔ noa na ratou i te tahi mau papai Bibilia e aita ’tu ai.

Area i roto i teie tapura ohipa apî, e tonohia te tahi mau tavini taime taatoa (pionie) i teie mau tuhaa fenua atea i te apatoerau no te hoê tau e toru ava‘e. Na vai e tono ia ratou? Na te mau amaa ïa no taua mau fenua ra, i te mea hoi na teie mau piha ohipa e tiaau na i te ohipa a te mau Ite no Iehova i tera e tera fenua. Mai te peu e anaanatae mai vetahi e haapii i te Bibilia, e faaea faahou te mau tavini i reira, e e haamau atoa paha i te mau putuputuraa no te taata atoa.

Parau mau, e ere roa ’tu i te mea ohie ia poro i Apatoerau roa. Ua tonohia e piti pionie i te oire no Barrow, i Alaska. Ua paari hoê i te pae apatoa i Kalifonia e te tahi atu i Géorgie, i te Hau Amui no Marite. I te matahiti matamua raua i ǒ, ua faaruru mau raua i te tau toetoe, ua topa roa hoi te faito anuvera i te -36°C! Tau ava‘e noa râ i muri a‘e i to raua haamataraa i te poro, ua farerei raua fatata pauroa te mau utuafare atoa i Barrow i te faito 95 i nia i te hanere e ua haamata e maha haapiiraa Bibilia. O John te tahi, e te haapii ra raua to ’na hoa vahine i nia i te buka ra Eaha ta te Bibilia e haapii mau ra? e faaite atoa oia i ta ’na e haapii i to ’na mau hoa e hoa rave ohipa. E taio atoa na oia i te buka rairai ra E hi‘opoa ana‘e i te mau Papai i te mahana hoê ma te faaohipa i te JW Library i nia i ta ’na niuniu afaifai.

Aita e purumu no te haere i Rankin Inlet, te hoê oire i te tuhaa fenua no Nunavut i Kanada. No reira, ua tere atu e piti pionie i teie oire iti na nia i te manureva, faatere atura raua e rave rahi haapiiraa Bibilia. Ua haamataitai raua i te video ra Eaha te ravehia i te Piha a te Basileia? i te hoê taata, e ua ani mai oia e afea e patuhia ’i te tahi Piha a te Basileia i taua vahi ra. Ua na ô â oia, “Ia patu noa ’tu outou i te hoê Piha a te Basileia e to ǒ nei au, e haere vau i te mau putuputuraa.”

Te faatia ra te mau pionie i tonohia i Savukoski, i te fenua Filelane e, “e fenua no te toetoe e aita e mauraa te hiona.” I ǒ, e mea rahi a‘e te aili i te taata. Ua parau râ teie mau pionie e ua tano maitai ratou i te tonohia ’tu i tera tau o te matahiti. No te aha? “Ua ati roa ia matou teie tuhaa fenua i te porohia,” ta ratou ïa e faatia ra. “E faaateatea-noa-hia na te purumu eiaha te tereraa ia taupupu. No reira, e mea maitai noa te purumu e aratai i te mau oire rii atea. E no te toetoe, e faaea noa te taata i to ratou fare.”

Ua itehia ta tatou mau tutavaraa no te poro i tera mau tuhaa fenua. Ua aparau e piti pionie e te hoê tavana oire no Alaska. I nia i te Internet, ua faatia oia i to ’na mauruuru i to ’na tauaparauraa e teie nau pionie, e ua tuu atoa ’tu i te hoê hoho‘a o te api parau ra Eaha te Basileia o te Atua?

I Haines, te hoê oire i Alaska, ua faatupu e piti pionie i te hoê putuputuraa no te taata atoa i te fare hooraa buka, e vau taata tei tae mai. Ua faatia te vea parau apî no reira e e piti taata te horoa ra i te hoê haapiiraa Bibilia i te taata e hinaaro, e e nehenehe te reira e ravehia i te fare o taua taata ra. No Texas te tahi, e no Kalifonia apatoerau te tahi atu. I te hopea, ua puohu taua vea ra: “A haere i nia i te jw.org no te tahi atu â mau haamaramaramaraa.”

No te ite atu â

E nafea te mau Ite no Iehova e faanaho ai i te pororaa?

E pee tatou i te hi‘oraa o Iesu a vai ai oia i te fenua nei. Eaha te tahi o teie mau huru pororaa?

No te aha e haapii ai i te Bibilia?

E horoa te Bibilia i te mau pahonoraa i te mau uiraa faufaa o te oraraa i te mau mirioni taata na te ao nei. E hinaaro anei oe e ite i tera mau pahonoraa?