Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Pororaa ma te haere na roto i te miti

Pororaa ma te haere na roto i te miti

Tei te Miti Apatoerau tatou, i pihai iho i te pae tooa o te râ o te fenua no Schleswig-Holstein i Heremani. E 300 taata te ora nei i te mau motu iti purara parauhia motu Halligen. E nafea teie mau taata e faaroo ai i te poroi Bibilia ta te mau Ite no Iehova e poro ra?—Mataio 24:14.

Te tere nei te mau Ite no Iehova na nia i te pahi no te tapae i te tahi mau motu iti. No te poro râ i te mau taata o te ora nei i te tahi atu mau motu iti, mea taa ê te huru raveraa. E haere avae te hoê pǔpǔ iti a te mau Ite no Iehova fatata e pae kilometera na roto i te miti. E nafea ïa?

Ua haapao ratou i te faito o te miti

E na reira ratou maoti te tauiuiraa o te faito o te miti. I te mau ono hora atoa, e nanu aore ra e pahee te Miti Apatoerau e toru metera i te faito i te vahi e vai ra te mau motu Halligen! Ia pahee mai te miti, e itehia te raroraa o te miti i e rave rahi vahi. E nehenehe ïa te mau Ite no Iehova e haere avae i e toru o te mau motu Halligen.

Mai te aha te huru ia tere i tera vahi? Te na ô ra Ulrich, te tahi taata aratai aravihi tei tauturu i te pǔpǔ: “E titauhia fatata e piti hora no te tapae i te hoê o te mau motu Halligen. I te rahiraa o te taime, e haere avae matou, aita e tiaa. Tera te huru raveraa maitai roa ’‘e e ohie roa ’‘e no te tere atu na roto i te miti. I te tau toetoe, e oomo matou i te tiaa puti.”

Mea maere mau tera tereraa. Te parau ra Ulrich: “E au ra e te taahi nei matou i nia i te hoê paraneta ê roa. I te tahi mau vahi o te raroraa o te miti, mea vari roa aore ra mea ofaifai. I te tahi atu mau vahi râ, mea remu. E ite-atoa-hia te aere manu, te paapaa e te tahi atu mau animara.” I te tahi taime, e tere atu te pǔpǔ na roto i te Priele, hoê ta‘o Heremani no te faaite i te mau muriavai ta te vari i faatupu.

Ia tere te mau taata na roto i te miti, e faaruru ratou i te mau fifi. Te faaara ra Ulrich: “E moe oioi noa te taata, i te taime iho â râ e mea meumeu te rupehu. E faaohipa ïa matou i te hoê aveia e te aratairaa a te tahi matini parauhia GPS. E pee maite atoa matou i te hoê porotarama etaeta ia ore matou e haapeapeahia e te nanuraa miti.”

Pororaa i te hoê o te mau motu iti Halligen

Mea faufaa anei tera mau tutavaraa? Te faatia mai ra Ulrich i te aamu o te hoê taata, e 90 matahiti to ’na. Mea au roa na ’na te taioraa i Te Pare tiairaa e te A ara mai na! Te na ô ra Ulrich: “I te hoê mahana, maa taime poto noa to matou, aita ïa matou i nehenehe e farerei ia ’na. Hou râ a faarue ai matou i te motu, ua tapapa mai tera taata na nia i to ’na pereoo taataahi e ua parau mai oia: ‘Aita outou e horoa mai i ta ’u Pare tiairaa?’ Oaoa roa matou i te horoaraa i te reira ia ’na.”

No te ite atu â

No te aha te mau Ite no Iehova e poro ai?

E toru tumu faufaa matou e poro ai na te ao nei.

E nafea te mau Ite no Iehova e faanaho ai i te pororaa?

E pee tatou i te hi‘oraa o Iesu a vai ai oia i te fenua nei. Eaha te tahi o teie mau huru pororaa?