Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

No te aha e haapii ai i te reo Bengali?

No te aha e haapii ai i te reo Bengali?

I roto i te Queens i New York, aita i maoro a‘enei, e 23 Ite no Iehova tei haapii i te paraparau e i te taio i te reo Bengali. E reo teie paraparauhia i Bangladesh e i te tahi mau tuhaa no Initia. Ua fariihia ratou i roto i te hoê piha haapiiraa faanahohia e to ratou mau hoa Ite no Iehova e o tei faaineine ia ratou ia haapii oioi i te hoê reo apî.

Hoê teie o te mau haapiiraa reo faanahohia i Marite e i roto i te tahi atu mau fenua. Eaha te fa o te feia e tapao ia ratou no tera faaineineraa? Te haapiiraa ïa i te faaite i te poroi Bibilia i te taata e paraparau ra i te tahi atu reo.

Ua faataa Magaly, hoê o na piahi e haapii ra i te reo Bengali: “I to ’u vahi, te rahi roa maira te feia e paraparau ra i te reo Bengali. Te imi nei ratou i te mau pahonoraa i te mau uiraa faufaa mai teie, No te aha i rahi roa ’i te mauiui? Ia faaite atu vau i te taata i ta Iehova opuaraa faahiahia mau no a muri a‘e, e hinaaro ratou e ite hau atu â. Te fifi râ, o te reo ïa.”

No te tauturu i te mau piahi ia haapii oioi i te hoê reo, e faaohipa te taeae haapii i te hoê ravea haapiiraa au mau. Hoê ravea no te haamana‘o maitai a‘e i te mau ta‘o, oia hoi o te haapiiraa ïa i te reira ma te hautiuti i te tino.

I muri a‘e i te haapiiraa taitahi, e faaohipa oioi te mau piahi i te reo apî ta ratou i haapii ma te haere e farerei i te feia e paraparau ra i te reo Bengali e ma te aparau e o ratou i nia i te mau tumu parau Bibilia. Ua parau Magaly: “Ua oaoa roa te taata e e hinaaro ratou e ite no te aha vau i haapii ai i to ratou reo. I te mea e te rave nei au i te taime no te haapii i tera reo, te ite nei ïa ratou e mea faufaa ta matou poroi.”

Aita noa te mau Ite no Iehova e haapii mai i te reo ěê, te haapii-atoa-hia nei râ ratou e nafea ia haapii i tera reo i te tahi atu. I roto noa i te tuhaa fenua a te piha ohipa no Marite, mai Tenuare 2006 e tae atu i Tenuare 2012, e 38 piha haapiiraa tei faaineine e 2 244 Ite no Iehova o te haapii i te tahi atu. Mai te 1 no Tetepa 2012, ua faanaho te mau Ite no Iehova i roto i te tuhaa fenua a te piha ohipa no Marite hau atu i te 1 500 piha haapiiraa o tei haapii e 37 reo.