Eaha to roto?

Mau faaho'iraa ê

Ite no Iehova

Tahiti

I nia i te iri faaiteiteraa i Te oire tao‘a rahi, “Ta te Atua ô na te huitaata”

I nia i te iri faaiteiteraa i Te oire tao‘a rahi, “Ta te Atua ô na te huitaata”

O Cluj-Napoca, te hoê o te mau oire rahi roa ’‘e i Rumania tei piihia Te oire tao‘a rahi. I te faaiteiteraa buka Gaudeamus tei tupu i taua oire ra mai te 20 tae atu i te 24 no Eperera 2016, ua haamahitihiti te mau Ite no Iehova i te faufaa morare e pae varua o te Bibilia. Ua faatia ratou i te hoê vahi faaiteiteraa e ua aparau i na tausani feia i tae mai. Ua faahiahia ratou no te mau video, papai Bibilia, e Bibilia i patahia.

E rave rahi fare haapiiraa tei tere mai e mataitai. Ua aratai atoa mai te mau haapii tamarii i ta ratou mau piahi e mataitai i te vahi faaiteiteraa a te mau Ite no Iehova. Ua oaoa rahi te mau piahi i te mataitairaa i te mau video no roto mai i te haapueraa A riro ei hoa no Iehova. Ua ani e rave rahi o ratou i te buka Ta‘u buka aamu Bibilia e te buka rairai A haapii i to tamarii. Ua parau te hoê haapao tamarii tei mataitai i te reira i to ’na hoa ohipa: “E mea tia ia tapao i teie reni roro uira [www.jw.org] ia nehenehe atoa tatou e pata na te tamarii te taatoaraa o tera mau hoho‘a.”

Ua faahiahia te mau piahi taurearea i to ratou mataitairaa i te tuhaa Hoho‘a papaihia i nia i te matini afaifai. Teie te tahi mau video tei pata-atoa-hia O te here mau anei?, Te faahoaraa i nia i te Internet: a ara i te reira!, e Ia upootia oe ma te ore e tupai!

Ua haere mai te hoê perepitero Orthodoxe e ta ’na vahine e mataitai e rave rahi taime te faaiteiteraa. Ua fana‘o oia i te Bibilia Les Saintes Écritures. Traduction du monde nouveau e i te tahi mau buka rairai. Ua na ô te perepitero e ua faahiahia oia i te “Tapura ta‘o Bibilia” e vai ra i roto i tera huriraa e i te rahiraa haapapuraa tiaturihia i faaohipahia e te feia huri. Ua horoa oia i ta ’na numera niuniu i na Ite ma te ani atu ia faanaho i te taime ia nehenehe ratou tootoru e aparau atu â i nia i te Bibilia.

Ua ani te vahine a te perepitero i hea i nia ia jw.org e itehia ’i te tumu parau no nia i te tamarii e ua faaitehia ’tu te tuhaa “Enfants” i nia te reni. Ua mataitai atura oia i te hoho‘a A faaite i te parau mau, ua oaoa roa oia. I muri i to ta ’na tane hi‘o-haere-raa i te reira e te tahi atu tumu parau, parau a‘era oia e tera “Ta te Atua ô na te huitaata.”