Eaha to roto?

Mau faaho'iraa ê

Ite no Iehova

Tahiti

Faaiteiteraa taa ê no nia i te Bibilia i Farani

Faaiteiteraa taa ê no nia i te Bibilia i Farani

Tau tausani taata tei haere i te faaiteiteraa i tupu i te pae apatoerau o Farani i Rouen 2014. I reira, ua ite-oioi-hia te tahi fare i haafaufaa i teie tumu parau: “Te Bibilia, na mua ’‘e, teie mahana e ananahi.”

I rapae, ua patahia te tahi hoho‘a video no nia i te mau papai Bibilia tahito e e rave rahi tei anaanatae roa. Ia tomo ratou i roto i tera fare, e nehenehe te taata e ite atu â no nia i te Bibilia: Mea ohie ia faaohipa i ta ’na mau a‘oraa, mea tano i te pae tuatapaparaa e te pae aivanaa e e buka opere-roa-hia tera.

Ua faaite-atoa-hia mea nafea te Bibilia i te vai-noa-raa i te roaraa o te tau a nehenehe atu ai e miria taata i teie nei e taio i te Bibilia neneihia aore i nia te matini roro uira. Ma te tamoni ore, ua fana‘o te feia i anaanatae hoê Bibilia Traduction du monde nouveau piahia e te mau Ite no Iehova na roto hau atu 120 reo.

E rave rahi taata mataitai tei faaite i to ratou mauruuru no ta te mau Ite no Iehova i rave ia nehenehe te rahiraa ia faufaahia i te Bibilia. Ua mataitai te tahi taata i te hoho‘a video e te pǔpǔ feia apî ta ’na e haapao ra. Ua na ô oia: “E tufaa te Bibilia na te taata atoa. E buka ora tera. I te mau taime atoa e taio ai au i te reira, e ite au i te ravea no te faaafaro i to ’u mau fifi.”

Ua maere te tahi mama ruau 60 matahiti e nehenehe ta ’na e fana‘o i te Bibilia ma te tamoni ore. Ua na ô oia: “Mea maitai ia hi‘opoa faahou i te reira, e faufaahia tatou paatoa!”