Eaha to roto?

Mau faaho'iraa ê

Ite no Iehova

Tahiti

Ia tupu te hoê ati natura, e turai te here ia tauturu

Ia tupu te hoê ati natura, e turai te here ia tauturu

E tauturu te mau Ite no Iehova i to ratou mau hoa haamori e i te tahi atu i roto i te ati. E na reira ratou no to ratou here, te hoê tapao o te Kerisetiano mau.—Ioane 13:35.

Teie te tahi mau tauturu i ravehia i nia 12 ava‘e e o tei hope i te afaraa o te matahiti 2012. Aita teie tapura e faahiti ra i te tauturu pae varua e morare ta ratou e horoa atoa nei. Na te mau tomite tauturu, tei haamauhia e te pu ohipa no te fenua taitahi, i faanaho i te rahiraa o te ohipa. Ua tauturu tamau atoa ’tu te mau amuiraa no ǒ.

Tapone

Tapone: I te 11 no Mati, ua aueue te fenua a tupu atu ai te hoê miti faaî i te pae apatoerau o Tapone. E hanere tausani taata tei û i tera ati. Ua horoa rahi te mau Ite no Iehova ati a‘e te ao nei i te moni, to ratou aravihi e te taihaa.

Beresilia: Pape pue, heeraa fenua e heeraa vari. Te faahoperaa? E hanere taata tei pohe. Ua hapono atu ïa te mau Ite no Iehova e 42 tǎne maa te ore e pê, e 20 000 mohina pape, 10 tǎne ahu e e 5 tǎne taihaa no te tamâraa e tae noa ’tu te mau huero raau e te tahi atu mau ohipa.

Congo (Brazzaville): I muri a‘e i te paainaraa te hoê fare vairaa ofai pupuhi, ua parari roa e 4 fare a te mau Ite no Iehova e e 28 fare a te tahi atu mau Ite tei tuinohia. Ua fana‘o ratou i te maa e te ahu e ua farii te mau Ite no tera tuhaa fenua i te mau utuafare tei roohia i tera ati.

Congo (Kinshasa): Ua afaihia te raau no te mau taata ma‘i choléra. Ua horoa-atoa-hia te ahu no te mau taata i faaruru i te pape pue no te ûa puai. Ua horoahia te rapaauraa, te huero maa no te tanu e e tǎne ahu no te tauturu i te taata i roto i te mau vahi puhaparaa no tei horo ê.

Vénézuéla: Ua faatupu te ûa puai i te pape pue e te heeraa vari. Ua tauturu te mau tomite tauturu e 288 Ite no Iehova i roto i tera ati. Ua hau atu i te 50 fare apî tei patuhia. Hau atu â, te tauturu nei tera mau tomite i te feia e ora ra i pihaiiho i te roto no Valence, te maraa noa ’tura hoi te pape.

Philipino

Philipino: Ua faatupu te mau mata‘i rorofai i te pape pue i te hoê tuhaa o te fenua. Ua afai te amaa o tera fenua i te maa e te mau ahu. A topa ’i te faito o te pape, ua tauturu te mau Ite no ô ia tamâ.

Kanada: I muri a‘e i te paapaaraa te hoê tuhaa rahi o te uru raau i Alberta, ua fana‘o te amuiraa i Slave Lake i te hoê ô faahiahia mau no ǒ mai i te mau Ite no Iehova o te tuhaa fenua no te ohipa tamâraa. I te mea e ua toe â te moni, ua horoa ratou ei ô hau atu i te afaraa o te moni ta ratou i fana‘o no te tauturu i te taata tei faaruru i te ati na te ao.

Côte d’Ivoire: Ua fana‘o te feia tei atihia i te nohoraa, te rapaauraa e te taihaa rau i na mua ’‘e i te tama‘i, a tupu ai te tama‘i e i muri a‘e i te tama‘i

Fiti: No te ûa rahi, ua pue te pape e ua ere te rahiraa o na 192 utuafare Ite no Iehova i ta ratou faaapu e faaamuraa animara, tera hoi ta ratou imiraa moni e no reira mai ta ratou maa. Ua afaihia te maa na ratou.

Ghana: Ua fana‘o te taata i roohia i te vai pue i te pae hitia o te râ o te fenua i te maa, te huero no te faatupu i te maa e te fare no tera taime

Marite: I e toru tuhaa fenua no Marite, ua tuino te puahiohio e 66 fare a te mau Ite e ua vavahi roa 12 fare. Noa ’tu e ua paruruhia te rahiraa e te hoê taiete, ua horoahia te moni no te tauturu ia ratou.

Raparata: Ua tauturu te mau amuiraa a te mau Ite no Iehova i te feia i te pae apatoa o tera fenua ua tuinohia to ratou fare e te mau rehu o te mou‘a auahi.

Mozambique: Ua hau atu i te 1 000 taata, tei faaruru i te paurâ, tei fana‘o i te maa.

Nigéria: Ua horoahia te moni no te tauturu atu e 20 tiahapa Ite tei pepe i roto i te hoê ati purumu peapea mau. Ua tauturu-atoa-hia te mau taata i te pae apatoerau tei ere i to ratou nohoraa no te mau tama‘i i rotopu i te nunaa taa ê no te haapaoraa

Bénin: Ua horoahia te raau, te ahu, te parururaa naonao, te pape mâ e te vahi faaearaa no te mau taata tei fifihia e te pape pue u‘ana mau.

Repupirita Dominicaine

Repupirita Dominicaine: I muri mai i te mata‘i rorofai Irène, ua tauturu te mau amuiraa no ǒ ia tataî i te mau fare e ua tauturu atoa i te tahi atu.

Etiopia: Ua matara mai te moni no te tauturu i te taata tei roohia i te paurâ i roto e piti tuhaa fenua e teie roohia i te pape pue i te tahi atu.

Kenya: Ua noaa mai te moni tauturu no te mau taata i roohia i te ati paurâ.

Malawi: I Dzakela, ua tauturuhia te feia i roto i te puhapa no tei horo ê.

Népal: Ua tuino roa te heeraa fenua i te fare a te hoê Ite. Ua fana‘o o ’na i te hoê fare no te hoê area taime e ua tauturu te amuiraa ia ’na.

Papua: Ua tanina te feia e vau fare a te mau Ite. Ua ravehia te mau faanahoraa no te patu faahou i to ratou fare.

Rumania: Ua ere te tahi mau Ite i to ratou fare i muri mai i te pape pue. Ua tauturuhia ratou no te patu faahou i to ratou fare.

Mali: No te paurâ, aita faahou e maa ta vetahi. Ua fana‘o ïa ratou i te moni no ǒ mai i to ratou mau taeae pae varua no Sénégal.

Sierra Leone: Ua rapaau te mau taote Ite no Iehova no Farani mai i te mau Ite o te ora ra i te vahi tei vavahihia e te tama‘i.

Thaïlande: Ua vavahi te pape pue e rave rahi tuhaa fenua. Ua tataî e ua tamâ te mau pǔpǔ tauturu 100 vahi faaearaa e e 6 Piha a te Basileia.

Repupirita Tchèque: I muri a‘e i to te pape pue vavahiraa i te mau fare, ua tauturu te mau Ite no Iehova no Slovaquie ia ratou.

Sri Lanka: Ua oti te rahiraa ohipa tauturu ravehia i ǒ i muri a‘e i te hoê miti faaî.

Soudan: Ua haponohia te maa, te ahu, te tiaa e te ie na te mau Ite no Iehova o tei faahaerehia vahi ê no te tama‘i.

Tanzanie: No te ûa puai, ua ere 14 utuafare i ta ratou mau taihaa. Ua horoa te mau amuiraa no ǒ i te mau ô mai te ahu e te taihaa fare. Ua patu-faahou-hia hoê fare.

Zimbabwe: Ua faatupu te paurâ i te o‘e i te hoê tuhaa o te fenua. Ua fana‘o te mau utuafare i te maa e te tauturu i te pae moni.

Burundi: Te tauturuhia ra te feia i horo ê i to ratou fenua i te pae materia e te rapaau-atoa-hia ra ratou.