Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

“E hi‘oraa maitai outou!”

“E hi‘oraa maitai outou!”

UA FANA‘O te mau Ite no Iehova i Saponara, te hoê oire iti no Sicile, i te hoê iri haamauruururaa. Ua tauturu hoi ratou i tei atihia i muri a‘e i te hoê ûa puai.

I te 22 no Novema 2011, ua tuino te pape pue i te mau oire e oire iti o te tuhaa fenua no Messine. I tera po, i Saponara, e toru taata tei pohe i roto i hoê heeraa fenua: hoê tamarii e e piti taata paari.

I te mau mahana i muri iho i te ati, ua faanaho te mau Ite no Iehova i te mau pǔpǔ tauturu e ua horoa i te mau tauihaa no te tatara i te vari e te pehu i tera vahi tei ati-maitai-hia.

Ua ohipa amui te mau pǔpǔ e te feia mana ma te horoa i te rima tauturu i te mau vahi e hinaaro-rahi-hia ra. E ua na reira noa ratou i muri a‘e, noa ’tu e e ere faahou i te mea ru. Ia au i te mahana, tei reira e 50 e tae atu i te 80 Ite no Iehova no te horoa i te rima tauturu. Ua tere vetahi i nia hau atu e 97 kilometera no te tapae i ǒ.

Ua haamauruuru e rave rahi taata no tera vahi i te mau Ite no Iehova. Ua na nia iho noa te tavana oire i te parau: “E hi‘oraa maitai outou!

E pae ava‘e i muri a‘e, ua horoa Fabio Vinci, te hoê melo o te apooraa oire, i te hoê iri haamauruururaa i te amuiraa a te mau Ite no Iehova no ǒ.