Eaha to roto?

Mau faaho'iraa ê

Ite no Iehova

Tahiti

Tausani taata tei haapii i te taio e te papai

Tausani taata tei haapii i te taio e te papai

I 2011, ua tauturu te mau Ite no Iehova hau atu i te 5 700 taata ia ite i te taio e te papai.

Ghana:

I na 25 matahiti i mairi, ua haapii matou hau atu e 9 000 taata ia taio e ia papai.

Zambie:

Mai 2002 mai â, ua haamaitai 12 000 taata i ta ratou taioraa e papairaa. Te na ô ra o Agnes, e 82 matahiti: “I te taime a faaarahia ’i e e faanahohia te hoê piha haapii i te taio e te papai i roto i ta matou amuiraa, ua oaoa vau i te tapao ia ’u. I te otiraa te haapiiraa matamua, ua ite au i te papai i to ’u i‘oa.

Peru:

Ua papai te hoê piahi e 55 matahiti: “Aita roa ’tu vau i mana‘o e e haapii au i te taio e te papai no te mea aita to ’u na metua i afai ia ’u i te fare haapiiraa.

Mozambique:

Ua hau atu i te 19 000 taata tei haapii i te taio i na 15 matahiti i mairi. Te parau ra Felizarda, te hoê piahi: “Te oaoa nei au no te mea e itehia ia ’u te mau irava Bibilia e e nehenehe ta ’u e taio i te reira i te tahi atu. Mea fifi roa no ’u ia na reira i na mua ’‘e.

Solomona:

Ua papai ta matou amaa: “I te matamua ra, aita e rave rahi o tei faaea na i te mau tuhaa fenua moemoe e nehenehe e haere i te fare haapiiraa. Mea iti roa atoa te mau tamahine tei haere i te haapiiraa. No reira, o te mau vahine iho â râ tei fana‘o i teie mau piha haapiiraa no te ite i te taio e te papai. I te otiraa te haapiiraa, e rave rahi o ratou tei ore i taiâ faahou.