Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Ua afaihia te pǔpǔ huriraa reo Paniora i te fenua Paniora

Ua afaihia te pǔpǔ huriraa reo Paniora i te fenua Paniora

Ua parau Iesu e e porohia te parau apî oaoa o te Basileia i te mau taata e ati noa ’‘e i teie nei ao. (Mataio 24:14) Mai 1909 mai â, ua hurihia te mau papai Bibilia neneihia na te mau Ite no Iehova na roto i te reo Paniora. E tauturu te reira i te mau taata na te ao nei ia faaroo i te poroi o te Basileia na roto i to ratou iho reo. O te Paniora te piti o te reo paraparau-rahi-a‘e-hia, i muri noa mai i te reo Tinito. E e 500 mirioni taata na te ao atoa o te paraparau ra i te reo Paniora.

Ua parau William, melo no te pǔpǔ huriraa reo Paniora: “Te reo Paniora, e reo paraparauhia na te ao nei, i e rave rahi fenua e ta‘ere rau. Teie ta matou fa, ia huri i te mau papai ma te haaputapû i te aau o te feia taio noa ’tu to ratou aamu, faito haapiiraa e huru oraraa.” No te naea i tera fa, ua amuihia i roto i tera pǔpǔ huriraa te feia no te fenua Colombie, Guatemala, Marite, Mehiko, Porto Rico, Raparata, Salvador, Uruguay, Venezuela e Paniora iho â ïa.

E rave rahi matahiti to te mau Ite no Iehova huriraa na roto i te reo Paniora i Marite. E tauturu te mau Ite no Iehova no Raparata, Mehiko e Paniora ia ratou. I 1993 râ, ua afaihia te pǔpǔ huriraa reo Paniora i Porto Rico. E nehenehe ïa te feia huri e ohipa amui i te hoê noa vahi.

I Mati 2012, ua faaotihia e mea tia ia taui faahou te fenua o teie pǔpǔ huriraa reo Paniora e ia afai ia ratou i teie nei i te amaa a te mau Ite no Iehova i Paniora. Ua haamana‘o Edward: “Aita i afai-noa-hia te feia huri, ta ratou iho mau tao‘a e te mau taihaa, oia atoa râ te tahi atu ‘melo’ faufaa mau no te pǔpǔ: te haapueraa buka no te huriraa.” I roto i teie haapueraa buka, te vai ra e 2 500 papai no te ohipa, oia atoa na hanere huriraa o te Bibilia na roto i te reo Paniora.

Farii-popou-hia i Paniora

I te 29 no Me 2013, ua tae te mau melo o te pǔpǔ huriraa reo Paniora i ta ratou vahi raveraa ohipa apî e ua farii-popou-hia ratou e te utuafare o te Betela no Paniora. Noa ’tu e ua afaihia te feia huri, te mau papai no te ohipa e matini no te huriraa na nia i te Moana Ataranitita, aita te feia taio i te mau papai a te mau Ite no Iehova na roto i te reo Paniora i ite i te tahi noa ’‘e mauraa i roto i te neneiraa o te mau papai maoti ta ratou porotarama naho maitai e ohipa tuutuu ore. Ua parau Edward: “Mea faufaa a‘e te poroi o te Basileia e te hinaaro mau nei matou ia taio te rahiraa e paraparau ra i te reo Paniora i te reira.”