Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Pata i te hoho‘a tano no ta matou mau papai

Pata i te hoho‘a tano no ta matou mau papai

E nafea matou e pata ’i i te mau hoho‘a tano no ta matou mau papai? No te pahono atu, a hi‘opoa na i te hoho‘a o te api matamua o te vea A ara mai na! (Farani) no Tetepa 2015. *

  • Te hoho‘a. Na te Tuhaa o te mau hoho‘a itehia i te Pu haapiiraa a te mau Ite no Iehova i Patterson, New York e haapao i te reira. Na mua roa, ua taio ratou i te tumu parau “L’argent et vous.” I muri iho, ua papai ratou i te tahi mau hoho‘a rii e tuea ra i te tumu parau. Na te Tomite papairaa o te Tino aratai i maiti eaha tei tano ia patahia.

    Te tahi mau hoho‘a o te api matamua ta te Tomite papairaa i hi‘opoa

  • Te vahi. Aita te mau hoho‘a i patahia i te tahi fare moni. Ua faanaho râ te feia pata hoho‘a i te hoê piha i te Pu haapiiraa a te mau Ite no Iehova mai te hoê fare moni. *

  • Te taata. No te hoho‘a o te vea, e mau Ite no Iehova ana‘e tei patahia mai te huru ra e te tiai nei ratou i roto i te hoê fare moni o te tahi oire rarahi. E haaputu-pauroa-hia te mau hoho‘a ia ore te tahi taata e ite-pinepine-hia i roto i ta matou mau papai.

  • Te mau taihaa. Ua faaohipa te Tuhaa o te mau hoho‘a i te moni ê no te faaite e ere te fare moni i Marite. Maoti te mau taihaa faaohipahia, e mana‘o tatou e mea mau iho â tera hoho‘a. Te na ô ra Craig, taata pata hoho‘a: “Titauhia ia faaineine pauroa na mua ’‘e.”

  • Te ahu e te tao‘a faaunauna. No te hoho‘a o te vea, ua afai mai te taata i ta ratou iho mau ahu. Ia hinaarohia râ te tahi hoho‘a no te tau tahito aore ra no te tahi tupuraa taa ê, e imi e e nira te Tuhaa o te mau hoho‘a i te ahu tano. E faaohipa-atoa-hia te tao‘a faaunauna taata ma te haapao maitai i te tau, te aamu aore ra te tupuraa hinaarohia no te hoho‘a. Te parau ra Craig: “I teie tau, mea papu roa ’‘e te mau hoho‘a patahia e te mau matini faaohipahia. E mea tia ïa ia vai ara ’tu â. Eiaha e hape rii, e ino roa mai te hoho‘a.”

  • Te pataraa i te hoho‘a. Ua haapao maitai te feia pata hoho‘a i te maramarama ia mana‘o te taata e ua ravehia te reira i te poipoi. E mea tia ïa ia hi‘opoa ratou e mea tano anei te maramarama i to te piha e i te huru hoho‘a hinaarohia (e maramarama anei o te mahana, o te ava‘e e te vai atu â). Te na ô ra Craig: “Taa ê roa ’tu i te video, e titauhia ia faaite i te tupuraa hinaarohia maoti hoê noa ’‘e hoho‘a. Mea faufaa roa ïa te maramarama.”

  • Te neneiraa. I muri a‘e, ua mohimohihia te hoho‘a o te moni ia hi‘o noa te feia taio i te mau taata eiaha râ nohea mai te moni. Ua taui-atoa-hia te û o te mau mea e haaati ra i te mau opani e haamaramarama ia tuea te reira i te mau û o te api matamua o te vea. Na mua roa e mea uteute, i teie nei râ mea matie.

Hau atu i te Tuhaa o te mau hoho‘a i Patterson, e pǔpǔ pata hoho‘a atoa i to te mau Betela na te ao nei mai i Auteralia, Beresilia, Kanada, Heremani, Tapone, Korea, Malawi, Mehiko e Afirika Apatoa. E nehenehe ratou e hapono atu i te mau hoho‘a no ta matou mau papai. E fana‘o te Tuhaa o te mau hoho‘a i Patterson e 2 500 hoho‘a hau i te ava‘e taitahi. E rave rahi hoho‘a o tei faaohipahia no te mau vea Te Pare Tiairaa e A ara mai na! Ua neneihia hau atu 115 mirioni vea i 2015. No te ite atu â, a haere mai e mataitai i ta matou mau piha i Patterson i New York aore ra i te tahi atu mau Betela na te ao nei.

Pûpû i te vea a poro ai

^ par. 2 E rave rahi hoho‘a te patahia, aita râ pauroa te faaohipahia no te api matamua o te hoê vea. E haaputu-noa-hia râ te mau hoho‘a hau no te tahi atu mau opuaraa.

^ par. 4 No te pata i te hoho‘a i te hoê oire, e mea titau-pinepine-hia i te Tuhaa o te mau hoho‘a ia ani i te hoê parau faatiaraa ma te haapapu ehia taata e apiti i teie pataraa hoho‘a e eaha te mau taihaa aore ra te huru maramarama e faaohipahia.

No te ite atu â

Eaha te Betela?

E vahi otahi te Betela, e mea faufaa roa te ohipa e ravehia ra i reira. A hi‘o na o vai ma te tavini ra i reira.

E nafea te mau papai a te Ite no Iehova e faaineinehia ’i, a hurihia ’tu ai?

Te nenei nei matou i te mau papai na roto e 750 tiahapa reo. No te aha?