Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Faaohieraa i Te Pare Tiairaa

Faaohieraa i Te Pare Tiairaa

Mai te neneiraa o Te Pare Tiairaa no Tiurai 2011, ua piahia te hoê neneiraa Beretane faaohiehia no te hoê matahiti tamataraa. I teie nei, ua oti te tamataraa e ua faaotihia ia tamau noa te piaraa o Te Pare Tiairaa faaohiehia.

Mai Tenuare 2013, te vai atoa ra te reira na roto i te reo Farani, Potiti e Paniora.

Ua piahia te neneiraa faaohiehia no te tauturu i te feia e haere ra i te Piha a te Basileia no te mau putuputuraa a te amuiraa na roto i te reo Beretane, aita râ te reira to ratou reo tumu.

Mai te neneiraa matamua iho â, e rave rahi mau rata haamauruururaa tei papaihia. Hoê no ô mai ia Rebecca, e 64 matahiti to ’na, o te ora nei i Libéria e o tei ore i haere a‘e i te haapiiraa. Teie ta ’na i papai: “Te haapii ra vau i te taio. I te tahi taime ia taio ana‘e vau i Te Pare Tiairaa, aita vau e taa noa ’‘e. Mea au roa na ’u te neneiraa faaohiehia. Ua taa maitai ia ’u i te reira.

E faaohipa atoa e rave rahi mau metua i te neneiraa faaohiehia no te tauturu i ta ratou mau tamarii ia faaineine ia ratou no te Haapiiraa o Te Pare Tiairaa, hoê o te mau putuputuraa a te mau Ite no Iehova.

Ua papai o Rosemary, e toru mootua tamahine ta ’na: “Mea fifi roa te haapiiraa i Te Pare Tiairaa e ta ’u mau mootua tamahine. E tia ia faaohipa i te titionare no te ite i te auraa o e rave rahi mau ta‘o. Pau rahi te taime no te taa i te mau ta‘o, ere roa ’tu ai te mau tamarii i te mana‘o faufaa. I teie nei, e rave tatou i taua taime no te taio i te mau irava faahitihia e no te imi i te taairaa i rotopu i te reira e te haapiiraa.