E mea au-roa-hia te anairaa video A riro ei hoa no Iehova o te faaite ra ia Kaleba raua Turia e o te faaite atoa ra i te tahi mau himene. Ua papai mai te mau metua e te mau tamarii no te faaite i to ratou mauruuru no teie anairaa video. Teie te tahi mau papai haponohia e te mau tamarii:

• “Mauruuru no te DVD L’obéissance est bénie. E mataitai au i te reira e ta ˈu hauti mai te mimi rahi ra te huru i te mau mahana atoa.”—Zach, e 5 matahiti to ˈna.

• “Maoti te himene apî, ua haapii au e te here ra Iehova ia ˈu e te hinaaro ra o ˈna ia pure vau ia ˈna i te mau taime atoa.”—Mikariah, e 6 matahiti to ˈna.

• “Ua haapii au ia faaroo i to ˈu na metua e ia faanaho i ta ˈu mau taihaa. Mauruuru no teie video na te mau tamarii.”—Nicole, e 8 matahiti to ˈna.

• “Mauruuru roa no te video. Mea arearea roa. Mea au roa na ˈu te reira.”—Mckenzie, e 5 matahiti to ˈna.

• “Mea au roa na ˈu te anairaa video A riro ei hoa no Iehova. E mataitai au i te reira i te mau mahana atoa. E Atua maitai roa Iehova no te mea ua faaite oia ia outou ia rave i te reira.”—Ava, e 8 matahiti to ˈna.

• “Mea au roa na ˈu ia mataitai i te mau video. Te tutava nei au i te haapii mai i te mau himene atoa. E tauturu te mau video ia ˈu ia here ia Iehova.”—Devon, e 4 matahiti to ˈna.

• “Te tiai ru nei au i to muri nei video no nia ia Kaleba! A tamau â i te rave i te ohipa maitai!”—Vance, e 8 matahiti to ˈna.