Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

JW.ORG na roto hau atu e 300 reo!

JW.ORG na roto hau atu e 300 reo!

Ia pata oe i nia i te tapura reo o te jw.org i nia i teie api, e ite oe hau atu e 300 reo! Eita paha oe e ite i te reira i nia i te tahi atu reni.

E faaau ana‘e i teie numera i ta te tahi atu mau reni matauhia. Mai Tiurai 2013, e nehenehe e taio i te reni a te mau Nunaa amui na roto e ono reo, Europa (te reni haamanahia a te Europa amui) na roto e 24 reo, Google na roto e 71 reo e Wikipedia na roto e 287 reo.

E titauhia e rave rahi hora ohipa no te huri i te hoê reni Internet na roto hau atu e 300 reo! Ua ravehia te rahiraa o teie ohipa e e hanere Ite no Iehova na te ao atoa o te hinaaro e arue ia Iehova. E pǔpǔ faanaho-maitai-hia to te reo taitahi o te faaohipa nei i to ratou aravihi no te huri i te papai Beretane.

Mea rahi api haamaramaramaraa to nia i te jw.org te hurihia nei na roto hau atu e 300 reo. Ia taiohia te taatoaraa o te api, mea rahi mau ïa: hau atu i te 200 000!

Mea ohie ia haere i nia jw.org. Mea rahi atoa te taata e haere ra i nia iho. O ta te tapura ïa a te taiete Alexa e haapapu ra. Te hi‘opoa ra tera taiete i te mau reni Internet ta te taata e au ia haere. Fatata e 87 000 reni Internet to roto i ta ’na tuhaa “Haapaoraa e taairaa e te Atua.” Oia atoa te reni a te mau haapaoraa rahi na te ao, a te feia e pia ra i te mau papai i te pae faaroo e a te tahi atu mau faanahonahoraa. I nia i tera tapura, mai Tiurai 2013, tei nia te jw.org i te piti o te parahiraa! I nia i te parahiraa matamua e itehia te hoê reni tapihoo i reira e nehenehe ai e taio roa ’tu i nia i te Internet te mau huriraa Bibilia rau.

Mai Atopa 2013, i nia i te hoê faito au noa, ua hau atu i te 890 000 taata tei haere i nia i te jw.org i te mahana taitahi. E tamau matou i te horoa ma te tamoni ore i te mau haamaramaramaraa faufaa no roto mai i te Bibilia i te taata i te mau vahi atoa.

No te ite atu â

E nafea te mau papai a te Ite no Iehova e faaineinehia ’i, a hurihia ’tu ai?

Te nenei nei matou i te mau papai na roto e 750 tiahapa reo. No te aha?