Eaha to roto?

Mau faaho'iraa ê

Ite no Iehova

Tahiti

Ohipa huriraa i Mehiko e i Marite no Ropu

Ohipa huriraa i Mehiko e i Marite no Ropu

I Mehiko e i Marite no Ropu, e 290 a‘e taata i e ono fenua te huri ra i te Bibilia e i te mau papai Bibilia na roto hau atu e 60 reo. No te aha mea faufaa ’i te reira? Ia taio te tahi taata i te mau papai Bibilia na roto i te hoê reo ta ’na e taa maitai, e putapû to ’na aau.—Korinetia 1, 14:9.

No te haamaitai atu â i te huriraa, ua tonohia te feia huri no te amaa a te mau Ite no Iehova i Mehiko i te mau vahi i reira e paraparauhia ’i to ratou reo. Eaha te apî? I te mea e te ora ra te feia huri i rotopu i te feia e paraparau ra i to ratou reo i te mau mahana atoa, mea ohie a‘e no ratou ia huri i te mau papai ia taa-maitai-hia te reira.

Eaha te mana‘o o te feia huri? Te na ô ra o Federico, te hoê taata huri na roto i te reo Nahuatl no Guerrero: “Hoê ahuru matahiti to ’u faaearaa i te oire no Mehiko, hoê noa utuafare ta ’u i farerei o te paraparau ra i to ’u reo. I teie nei râ, i roto i te mau oire e haaati ra i te piha huriraa, te paraparau ra te rahiraa o te taata i teie reo!”

Te na ô ra o Karin, te hoê taata huri na roto i te reo Plautdietsch i te hoê piha huriraa i Chihuahua i Mehiko: “Te tauturu mai ra te oraraa i rotopu i te nunaa taata Mennonite ia faatano i ta ’u huriraa i ta ratou huru paraparau. Te ora e te rave nei matou i te ohipa i roto i te hoê oire iti. E ia hi‘o atu vau na te haamaramarama, e ite vau i te feia te faufaahia i ta matou e huri nei.”

Te ora ra Neyfi i Mérida, te hoê oire no Mehiko. Te na ô ra oia: “Ia faatere matou i te mau haapiiraa na roto i te reo Maya, e ite roa matou e aita te taata e taa maitai ra i te tahi mau parau ta matou i huri. E imi ïa matou i te hoê ravea no te imi i te hoê huriraa ta ratou e taa maitai a‘e.”

Eaha te mana‘o o te feia e taio i te mau papai hurihia? A hi‘o na ia Elena o tei haere tamau e 40 tiahapa matahiti i te mau putuputuraa a te mau Ite no Iehova. O te reo Tlapanec to ’na reo tumu. I te mea râ e e faaterehia te mau putuputuraa na roto i te reo Paniora, aita oia i taa maitai i te mea e parauhia ra. Te parau ra o ’na: “Te mea noa ta ’u i ite, oia hoi e mea tia ia haere au i te mau putuputuraa.” I to ’na râ haapiiraa i te Bibilia maoti te mau buka rairai na roto i te reo Tlapanec, ua here roa ’tu â o ’na i te Atua a pûpû roa ’tu ai i to ’na ora ia ’Na. Ua bapetizohia Elena i 2013. Te parau nei oia: “Te haamauruuru nei au ia Iehova i te tautururaa mai ia ’u ia taa i te Bibilia.”

No te ite atu â

O VAI TE RAVE NEI I TO IEHOVA HINAARO I TEIE MAHANA?

E nafea te mau papai a te Ite no Iehova e faaineinehia ’i, a hurihia ’tu ai?

Te nenei nei matou i te mau papai na roto e 750 tiahapa reo. No te aha?