Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

“Te hoê ohipa faahiahia mau” no Estonie

“Te hoê ohipa faahiahia mau” no Estonie

No te Huriraa o te ao apî o te mau Papai mo‘a, ua noaa i te reo Estonie te re no nia i te ohipa maitai roa ’‘e o te reo o tera matahiti i Estonie i te matahiti 2014. I nia 18 o tei maitihia, ua noaa mai ïa ratou te toru o te re.

Ua matara teie Bibilia apî i te 8 no Atete 2014 e ua noaa mai ïa te re no te ihi reo ia Kristiina Ross a te Pu no te reo Estonie. No ’na, “mea ohie e mea au ia taio” te Huriraa o te ao apî e ua na ô â oia: “Ua haamaitai te ohipa i ravehia no te reira i te tuhaa o te huriraa na roto i te reo Estonie.” Ua pii te orometua haapii o te reo e o te ta‘ere i te huriraa apî “te hoê ohipa faahiahia mau.”

Ua matara te taatoaraa o te Bibilia matamua na roto i te reo Estonie i 1739, e mai reira mai, ua matara te tahi atu mau huriraa. No te aha ïa te Huriraa o te ao apî i riro ai ei “ohipa faahiahia mau”?

Mea taa maitai. Te vahi oaoa no nia i te hoê huriraa o te Bibilia na roto i te reo Estonie i 1988, o te huriraa ïa o te i‘oa o te Atua ei “Jehoova” (Iehova), o tei faaohipahia hau atu te 6 800 taime i roto i te mau Papai Hebera (Faufaa tahito). * Ua na reira atoa te Huriraa o te ao apî e te vai ra hau atu â. I te mau vahi taa maitai ia na reira, ua faaohipa atoa te Huriraa o te ao apî i te i‘oa o te Atua i roto i te Papai Heleni Kerisetiano (Faufaa Apî).

Mea papu. Ua manuïa anei te Huriraa o te ao apî ia riro te reira ei mea taa maitai e mea ohie ia taio? Ma te tura, ua papai te taata huri i te Bibilia i roto i te vea a te Eesti Kirik (Ekalesia i Estonie) no nia i te Huriraa o te ao apî e “ua naea i te reira te fa ia hurihia na roto i te reo Estonie ma te taa maitai.” Ua papai â oia: “E nehenehe au e haapapu atu ia outou e a tahi ra teie fa i naea ’i.”

Ia faufaahia te huriraa na roto i te reo Estonie

Mea faahiahia roa te huru o te feia no Estonie no nia i te Huriraa o te ao apî. Ua faataa te hoê pu radio a te Hau i te hoê porotarama e 40 minuti te maoro no te Bibilia apî. Ua ani te mau tia haapaoraa e oia atoa te mau taata haere pure i te mau Ite no Iehova ia horoa mai i te mau Bibilia na ratou. Ua ani te hoê fare haapiiraa tuiroo 20 Bibilia o te Huriraa o te ao apî no te faaohipa i te reira i roto i te hoê piha haapiiraa. Mea au roa na te feia no Estonie i te mau buka, e mea oaoa no te mau Ite no Iehova ia horoa i te hoê huriraa tano e te papu o te buka rahi roa ’‘e i papaihia a‘enei.

^ par. 5 I muri iho i te faaiteraa mea nafea te i‘oa o te Atua ei “Jehoova” i te faahitiraahia, ua parau te peretiteni o te hi‘opoaraa o te Faufaa apî i te Haapiiraa Teitei no Tartu: “No ’u, mea tano maitai te parau Jehoova i teie mahana. Noa ’tu nohea mai te reira, e . . . auraa faufaa roa e te hohonu teie no e rave rahi u‘i, o Jehoova te i‘oa o te Atua o tei tono i ta ’na Tamaiti no te faaora mai i te huitaata i te hara e te pohe.”

No te ite atu â

E i‘oa anei to te Atua?

Mea rahi to te Atua tiaraa, mai te tiaraa Manahope, Atua poiete, e Fatu. Ua faahitihia râ te i‘oa o te Atua hau atu i te 7 000 taime i roto i te Bibilia.

No te aha te mau Ite no Iehova i nenei ai te Huriraa o te ao api?

No te aha e mea taa ê ai te huriraa o te Huriraa o te ao api?

Mea tano anei te New World Translation?

No te aha mea taa ê ai te New World Translation i te tahi atu mau huriraa e rave rahi?