Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Te Genese na roto i te reo apǎraa rima Marite

Te Genese na roto i te reo apǎraa rima Marite

UA AMO te feia tari‘a turi i to ratou rima i nia e ua hautiuti a‘era i te reira no te popou i teie parau faaite faahiahia mau: “E oaoa outou i te ite e te hurihia ra te tahi mau buka Bibilia o te mau Papai Hebera [Faufaa tahito]. E ua oti te haruharuraa [video] o te buka Genese!

Ua horoahia teie parau faaite i roto i te oreroraa parau hopea o te mau tairururaa i mairi a‘enei a te mau Ite no Iehova na roto i te reo apǎraa rima Marite.

I 2005, ua haamata te mau Ite no Iehova i te huri i te Huriraa o te ao apî o te mau Papai mo‘a na roto i te reo apǎraa rima Marite, ma te haamata e te buka Mataio. I 2010, ua faaotihia na 27 buka o tei parauhia te Faufaa apî na roto i te reo apǎraa rima Marite.

Hau atu â, ua huri te mau Ite no Iehova i te tahi mau tuhaa o te Bibilia na roto e pae reo apǎraa rima.

No te aha teie rahiraa ohipa? Ua taa i te mau Ite no Iehova e ua niuhia te mau api neneihia i nia i te hoê reo paraparauhia ta te rahiraa o te feia tari‘a turi i ore i faaroo a‘enei. E nehenehe te huriraa tano o te Bibilia, te papu e te hee noa e tauturu i te feia tari‘a turi ia taa i te Bibilia e ia faatupu i te taairaa piri e te Atua. Eaha to ratou huru a fana‘o ai i teie huriraa Bibilia?

Ua faataa te hoê tamaroa tari‘a turi: “A matara mai ai te buka Mataio a tau matahiti i teie nei, mai te mea ra e ua haapapu mai te Atua ra o Iehova i to ’na here no ’u. E ua papu roa ’tu â vau i te reira a matara mai ai te buka Genese. Te imi ra Iehova i te ravea ia nehenehe au e haapii o vai o ’na.

Ua faaite te hoê vahine tari‘a turi i to ’na huru aau mai teie: “Mea papu e mea ohie ia taa i te mau apǎraa rima! Ua au roa vau i te Bibilia. Ua taa ia ’u e te hinaaro ra Iehova ia taio vau i ta ’na Parau hoê irava i muri i te tahi, oia atoa i te huru tupuraa, ia taa ’tu â ia ’u i to ’na huru. Mea papu maitai te apǎraa rima. Ua haaputapû te reira i to ’u aau e ua tia ’tura ia ’u ia pure ia Iehova ma te faaite atu â i to ’u mau mana‘o hohonu.