Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

E oraora maitai a‘e te mau Ite i te fare ma‘i

E oraora maitai a‘e te mau Ite i te fare ma‘i

AUTERALIA: Ua papai te vea The Sydney Morning Herald o te 2 no Atopa 2012 e: “I te mau fare ma‘i, e maitai oioi a‘e te mau Ite no Iehova i te tahi atu mau taata no te mea e patoi ratou i te pâmuraa toto no te tahi mau tumu faaroo.”

Ua faahiti taua vea ra i te parau a te taote James Isbister, orometua i te fare haapiiraa toroa taote i Sydney. Ua papai te vea e: “Ua parau te taote Isbister e e fana‘o te mau Ite no Iehova i te hoê rapaauraa maitai a‘e no te mea e tutava te mau taote i te faaiti i te pau-rahi-raa o to ratou toto. Ei faahopearaa, mea oraora maitai a‘e ratou e mea iti a‘e to ratou taime i te fare ma‘i aore ra rapaauraa rahi, ia faaau-ana‘e-hia ratou i te feia tei farii i te tâpûraa ma te pâmuraa toto.”

Aita te taote Isbister ana‘e e mana‘o ra mai te reira. Ua papai te vea Archives of Internal Medecine, neneiraa a te 13-27 no Atete 2012, no nia i te mau Ite tei ravehia i te tâpûraa o te mafatu: “Mea iti a‘e te mau fifi rahi ta te mau Ite i faaruru e to ratou taime i te fare ma‘i i ta te tahi atu feia ma‘i tei pâmuhia i te toto.”