Eaha to roto?

Mau faaho'iraa ê

Ite no Iehova

Tahiti

Haaputuraa hoho‘a no Warwick 6 (Mai Mati tae atu Atete 2016)

Haaputuraa hoho‘a no Warwick 6 (Mai Mati tae atu Atete 2016)

I roto i teie pueraa hoho‘a, a hi‘o i te tereraa ohipa i te pu rahi apî a te mau Ite no Iehova e e nafea te mau rima tauturu i turu ai i te ohipa paturaa mai Mati e tae atu i Atete 2016.

Hoho‘a patahia o te pu rahi i Warwick. Mai nia ’tu i te pae aui, ia au i te ohuraa o te uati:

  1. Fare tataîraa pereoo

  2. Tapearaa pereoo no te feia no rapae

  3. Pu tataîraa/Tapearaa pereoo no te feia no reira

  4. Fare nohoraa B

  5. Fare nohoraa D

  6. Fare nohoraa C

  7. Fare nohoraa A

  8. Piha raveraa ohipa/Tuhaa no te paturaa

16 no Mati 2016, Warwick

Te haapouhia nei e piti tumu raau i te vahi tanuraa tumu raau. Hau i te 1 400 tumu raau apî e tanuhia ra i Warwick.

23 no Mati 2016, Fare tataîraa pereoo

Te haapao nei te mau rave ohipa no Warwick i te Amuraa maa a te Fatu. E 384 taata tei putuputu i reira no taua oroa ra, o te haamana‘ohia ra i te mau matahiti atoa e te mau Ite no Iehova na te ao atoa.

15 no Eperera 2016, Warwick

Te tamau ra te mau tamuta i te mau hi‘o o te vahi fariiraa. Na te feia rave ohipa o te fariiraa e farii mai i te manihini, e haapao i te parururaa, e aratai i te mau pereoo e tae mai aore ra e ho‘i atu.

19 no Eperera 2016, Piha raveraa ohipa/Tuhaa no te paturaa

Te hoê metua e ta ’na tamaiti e tamau ra i te vauvau tahua i te tomoraa o te piti o te tahua. Ua faaohipahia te vauvau tahua nainai i te vahi taata, mea ohie a‘e hoi no te taui ua ino ana‘e.

27 no Eperera 2016, Piha raveraa ohipa/Tuhaa no te paturaa

Te tapiha ra te mau tamuta ma te faaohipa i te papai o te nehenehe e tatarahia mai, ia ohie te ohipa ia hinaarohia e taui i te faanahoraa o te tapiharaa.

10 no Me 2016, Piha raveraa ohipa/Tuhaa no te paturaa

Te faaineine ra te hoê rave ohipa no te hamani e te tapiha i te vahi haumitiraa rahi roa ’‘e no te feia no rapae, i pihai iho noa mai i te tomoraa

26 no Me 2016, Warwick

Te faaineine ra te Pǔpǔ no te mau tupuraa ru no te tupohe i te hoê auahi. Na roto i te faaineineraa ia ratou ia arai oioi i teie huru fifi, e roaa i teie feia tupohe auahi i te paruru i te mau rave ohipa e te mau fare i Warwick, a iti atoa mai ai te mau haamâu‘araa no te mau tupuraa ru.

30 no Me 2016, Piha raveraa ohipa/Tuhaa no te paturaa

Te aratai ra te hoê taeae i te feia rave ohipa i to ratou parahiraa i te piha tamaaraa rahi roa ’‘e na mua te haamoriraa poipoi matamua a haamata ’i.

31 no Me 2016, Pu tataîraa/Tapearaa pereoo no te feia no reira

Ma te faaohipa i te hoê mauhaa mori pura, te tamau nei te tamuta ma te afaro hoê o na 2 500 tapao no te aratai i te feia no reira e no rapae.

1 no Tiunu 2016, Piha raveraa ohipa/Tuhaa no te paturaa

Te tamau nei te hoê tuahine i te tapearaa o te e‘a paumaraa mai te vahi fariiraa taata e tae atu i nia, i te piha rururaa ra. Ua tuuhia te hoê vauvau paruru auahi i raro ia ore te tahua ia ino.

9 no Tiunu 2016, Piha raveraa ohipa/Tuhaa no te paturaa

Te faaoti ra te hoê mero o te Tuhaa no te mau papai e aroaro i te tamau i te papai e aratai ra i te faaiteiteraa “Faaroo e ohipa ra,” hoê o na faaiteiteraa e toru. E taa-maitai-hia te tumu parau o te faaiteiteraa tataitahi i nia i te huru paturaa.

16 no Tiunu 2016, Fare tataîraa pereoo

Te faaineine ra te feia rave ohipa i te haapaari i te tahua, ia vai maoro te reira, ia ore ia mau te repo i nia iho, e ia ohie no te tamâ i te reira.

29 no Tiunu 2016, Piha raveraa ohipa/Tuhaa no te paturaa

Te tamau nei te hoê pǔpǔ tamuta i te tapoi hi‘o o te vahi tomoraa. I te mea ra e hi‘o, e maramarama roa ïa te vahi tomoraa matamua.

29 no Tiunu 2016, Piha raveraa ohipa/Tuhaa no te paturaa

Te tapiri nei te hoê tane e ta ’na vahine i te carreau i te vahi tomoraa o te faaiteiteraa “Te Bibilia e te i‘oa o te Atua.”

6 no Tiurai 2016, Piha raveraa ohipa/Tuhaa no te paturaa

Te tamau ra hoê tamuta hoê o na 1 018 parahiraa i te piha rururaa rahi roa ’‘e. I reira e faaterehia ’i te haapiiraa a Te Pare Tiairaa e te tahi atu mau faanahoraa a te utuafare o te Betela.

9 no Tiurai 2016, Piha raveraa ohipa/Tuhaa no te paturaa

I te vahi tomoraa, te hamani nei te tamuta, te tamau uira e te tahi atu rave ohipa i te tapao mori no te farii i te manihini.

13 no Tiurai 2016, Piha raveraa ohipa/Tuhaa no te paturaa

E piti mero o te pǔpǔ Turu i te paturaa te hopoi mai ra i te pape na te feia rave ohipa i te vahi tomoraa. I te mau mahana veavea, e haamana‘o-noa-hia na te feia patu ia pinepine ratou i te inu i te pape.

19 no Tiurai 2016, Piha raveraa ohipa/Tuhaa no te paturaa

Te hamani ra te hoê tamuta i te vairaa no faaiteite i te mau Bibilia faahiahia roa ’‘e no te faaiteiteraa “Te Bibilia e te i‘oa o te Atua.” E ite-atoa-hia i roto te hoê vairaa menemene e ohu noa o te faaiteite mai i te tahi atu mau Bibilia.

22 no Tiurai 2016, Piha raveraa ohipa/Tuhaa no te paturaa

I te vahi tomoraa, ua patahia te hoê mori ninamu i nia i te papai no te tauturu i te hoê tamuta ia hamani i te hoho‘a o Auteralia e te mau motu tapiri i apatoa hitia o te râ o Asia. E itehia te i‘oa Ite no Iehova i roto e 700 reo.

23 no Tiurai 2016, Piha raveraa ohipa/Tuhaa no te paturaa

Te faaite-haere-hia ra te utuafare o te Betela i te Betela apî. Ua riro teie faanahoraa ei ravea no te farii popou i te utuafare e te faaara ia ratou no nia i te mau tupuraa atâta i reira.

17 no Atete 2016, Piha haruharuraa JW teata

Te tamau ra teie nau rave ohipa i te auri menemene i nia i te airaa maa e vauvauhia mai ai te mau faanahoraa JW teata no te tamau te mori i nia iho. No ǒ mai te rahiraa o te mau taihaa i Brooklyn.

24 no Atete 2016, Warwick

I te tomoraa, te tama ra te hoê taeae tamau uira i te hoê tapao mori. Mai 1 no Tetepa, e rave rahi tuhaa o te pu rahi tei haamata i ta ratou ohipa i Warwick.

No te ite atu â

O vai te rave nei i to Iehova hinaaro i teie mahana?

Eaha te Betela?

E vahi otahi te Betela, e mea faufaa roa te ohipa e ravehia ra i reira. A hi‘o na o vai ma te tavini ra i reira.