Eaha to roto?

Mau faaho'iraa ê

Ite no Iehova

Tahiti

Tuhaa hoho‘a 3 no Beretane (Mai Tetepa 2016 e tae atu Fepuare 2017)

Tuhaa hoho‘a 3 no Beretane (Mai Tetepa 2016 e tae atu Fepuare 2017)

A hi‘o i te tereraa o te ohipa paturaa o te amaa apî a te mau Ite no Iehova i Beretane mai te ava‘e Tetepa 2016 e tae atu i Fepuare 2017.

13 no Tetepa 2016 i te vahi e patuhia te amaa

Te hurihia ra te repo i roto i te pereoo pani. No te faaineine ia patu, ua taipuhia mai te repo no te afai i te tahi atu vahi.

15 no Tetepa 2016 i te pu e operehia te ohipa

Te taamuamuhia ra te mau niuniu roro uira. Piri atu i te tuhaa faataahia no te patu i te amaa apî, ua faatiahia teie fare ei pu ohipa e ei vahi tamaaraa.

19 no Tetepa 2016 i te vahi e patuhia te amaa

Hoho‘a e faaite ra i te faaohuraa pereoo no te tomo atu i roto i te aua o te amaa. I te pae aui, te faaineinehia ra te tahi aua tiare e te hoê apoo haaputuraa pape. Ua faataa-atoa-hia te tahi vahi mataitairaa na te taata.

3 no Novema 2016 i te vahi e patuhia te amaa

Te taipuhia ra i roto i te matini taviri ofai te mau patu tima tahito o tera vahi tei faahu‘ahu‘ahia no te hamani i te mau purumu i roto i te aua o te amaa.

4 no Novema 2016 i te vahi e patuhia te amaa

I mua nei, te hamanihia ra te purumu, te tahi no te taime noa o te paturaa e te tahi atu o te vaiiho-noa-hia. E hohorahia te poreni uouo ia mau papu te repo. I te pae uta ’tu, te tere ra te pereoo no te taumi maitai i te repo hou a vauvauhia ’i te poreni.

5 no Novema 2016 i te farereiraa faatupuhia no te paturaa i te amaa apî

Te horoahia ra te haamaramaramaraa i te feia e hinaaro e turu i te ohipa paturaa. Ua faatupu te tomite paturaa 18 farereiraa mai teie ati a‘e ia Beretane e Irelane. Ua hau atu i te 15 000 Ite no Iehova tei haere atu e e rave rahi tei ani ia turu ratou i te paturaa o te amaa apî.

28 no Novema 2016 i te vahi e patuhia te amaa

Te faaîhia ra te repo ati a‘e i te tahi tumu raau i tanu-apî-hia. Ua hau atu i te 700 tumu raau tei tanuhia i nia i te tâpû fenua. I pihai iho mai, ua hamanihia te tahi apoo o te haaputu i te pape ia tupu te ûa rahi e e faarue-mǎrû-noa-hia te pape i muri a‘e.

5 no Titema 2016 i te vahi e patuhia te amaa

Te itehia ra te rupehu a rave-noa-hia ’i te tuhaa hopea no te faaafaro i te fenua. Tau 160 000 metera afata repo ta te taatoaraa o te mau pereoo i taipu. Hau atu ïa i te 10 000 pereoo pani mai teie te î!

6 no Titema 2016 i te vahi e patuhia te amaa

Te faaineinehia ra te repo no te tanu i te raau haehaa na te hiti aua. I roto i teie aua tiare e na pihai iho mai, ua tanuhia 27 hoho‘a raau no taua vahi ra.

19 no Titema 2016 i te tuhaa faataahia no te vahi nohoraa

I te pae aui, te houhia ra te apoo i roto i te repo no te niu. I muri iho, e faaîhia te apoo i te tima a matara mai ai te auri hou i rapae. I te pae hopea, mai te itehia ra i ropu o te hoho‘a, e tuuhia te auri i roto i te tima no te faaetaeta i te niu. Ua hau atu i te 360 pou tei hamanihia ei niu no te mau vahi nohoraa.

29 no Titema 2016 i te vahi e patuhia te amaa

Noa ’tu te toetoe, te tamauhia ra te tuio no te opere i te pape i te pu ohipa o te paturaa.

16 no Tenuare 2017 i te vahi e patuhia te amaa

Te taipuhia mai ra te vari e te hu‘a raau o te apoo pape na tera vahi. Ua ino roa te rahiraa o tera mau apoo pape e e titauhia ia tamâ. E haamaitaihia te hiti o tera mau apoo pape ia ore te fenua ia pau e ia manii te pape i rapae. Hou tera mau ohipa a ravehia ’i, ua haruhia e ua tuuhia hau atu i te 2 500 i‘a i roto i te tahi atu mau apoo pape.

17 no Tenuare 2017 i te tuhaa faataahia no te vahi nohoraa

I raro o te hoho‘a, te hamanihia ra te mau niu o na vahi nohoraa e piti. I te pae aui, ua timahia te niu. Area i te pae atau, aita â, e te faura noa ra te mau pou. I ropu, te hou-noa-hia ra te apoo no te hamani i te mau pou.

23 no Tenuare 2017 i te pu e operehia te ohipa

Hou a penihia ’i, te faaîhia ra te mau area opani i te vahi faataahia no te farii i te taata. I ǒ nei, e nehenehe te taata e haere i nia i te tahi tahua no te mataitai i te faaiteiteraa o te mau tuhaa rii o te paturaa e te tereraa o te ohipa.

14 no Fepuare 2017 i te tuhaa faataahia no te vahi nohoraa

Te tamauhia ra te niaraa o te hivi. Tau 40 metera te teitei e e nehenehe ta ’na e hivi 18 tǎne.

15 no Fepuare 2017 i te tuhaa faataahia no te vahi nohoraa

Te tâpûhia ra te mau pou tima i te faito e titauhia. I muri iho, e faaîhia te mau auri e pipiha mai ra i te tima.

17 no Fepuare 2017 i te vahi e patuhia te amaa

Te tamau ra te rima tauturu i te pae o te uira hoê o na paruai JW.ORG i nia i te mau patu o te tomoraa o te amaa.

17 no Fepuare 2017 i te vahi e patuhia te amaa

Hoho‘a o te faaite ra ua oti te faaohuraa pereoo i mua noa ’tu i te tomoraa. I roto roa, i te pae aui, te itehia ra na patu e piti e te paruai JW.ORG. I raro nei, te apoo pape e te mau raau o tei tanuhia. Ia oti maitai te reira, e nehenehe roa ’tu te e‘a tomoraa o te aua o te amaa.

24 no Fepuare 2017 i te tuhaa faataahia no te vahi nohoraa

E 65 metera te roa o te rima o te hivi. Ia faaohuhia, e noaa roa ia ’na te vahi e faatiahia ’i e maha o na pae vahi nohoraa. I raro, te titôhia ra te vahi tapearaa pereoo no te tahi fare nohoraa. Ua ineine te mau auri no te mau pou e papai o te paturaa.