Eaha to roto?

Mau faaho'iraa ê

Ite no Iehova

Tahiti

Rata a te mau fatu fare

Rata a te mau fatu fare

No faaoti noa ’tura te mau Ite no Iehova i te hoê ohipa paturaa e ono matahiti no te faararahi i te vahi faaapu e faaamuraa animara a te Watchtower i Wallkill, New York. I na piti matahiti hou a oti ai tera ohipa, ua hinaarohia hau atu â piha taotoraa no te mau rima tauturu. Ua tarahuhia ïa e 25 fare na pihai iho.

Te feia tei tarahu i te fare

Eaha te mana‘o o te feia tei tarahu i to ratou fare i te mau Ite no Iehova?

  • Ua parau te hoê fatu fare: “Oaoa mau mâua ia ratou. To pihai iho noa to mâua fare i te fare tarahu e ua ite noa mâua i te auhoêraa e te auhoaraa o te feia i ora i ǒ nei.”

  • Teie ta te tahi atu fatu fare, e ora atoa ra i pihai iho i to ’na fare tarahu, i parau: “Maitai mau to matou taairaa. E roto haumǎrû to matou i roto i te aua, e nehenehe atoa e ǎu. E haere mai tera mau tamaroa ia titau-manihini-hia ratou. Mea faatura ratou. Ua au mau matou ia ratou e e mihi matou i te ore e ite faahou ia ratou ia horo i roto i te aua.” Ua parau â o ’na: “Aita ’tu tupuraa maitai a‘e.”

  • Ua parau te hoê fatu fare: “Mea au mau ratou ei feia tarahu fare e ei feia tapiri.”

Te mau fare

Eaha te mana‘o o te mau fatu fare i to ratou fare tarahu a ho‘i ai te taata i ǒ ratou?

  • “Tae mai iho â te moni i te taime tia e ua atuatu maitai ratou i te fare.”

  • Ua parau te hoê fatu fare i faahiti-ê-na-hia: “Mauruuru ia outou e i te faanahonahoraa Watchtower no te atuatu-maitai-raa i to matou fare.” Aita roa ’tu o ’na i mana‘o e e tamâ maitai roa te Ite no Iehova i te fare.

  • Ua faataa te hoê vahine: “Ma te ite e e haerea tia to ta outou faanahonahoraa, aita matou i ani i te moni piri. Ua haapao-maitai-hia na fare toopiti.”

  • Teie ta te hoê fatu fare i ani a tataî ai te mau Ite no Iehova i te tahi mau mea iti i roto i to ’na fare: “E nafea ia tihepu mai i to outou mau taata? Ia parau outou e rave i tera ohipa i tera mahana, e na reira iho â outou. Aita vau e nehenehe e tiaturi i ta ’u mau rave ohipa ia tapea ratou i ta ratou parau.”

Parau hopea

  • Hou a hope ai te parau faaau o te tahi fare, ua papai te hoê fatu fare e ia faaapî â te mau Ite no Iehova i te parau faaau e faatopa roa mai o ’na i te moni o te fare ta ’na i horoa tarahu.

  • Ua parau te tahi atu: “E hinaaro matou e horoa tarahu â i te fare i te faanahonahoraa Watchtower ia hinaaro faahou ratou.”

No te ite atu â

O vai te rave nei i to Iehova hinaaro i teie mahana?

O vai mau â te mau Ite no Iehova?

Ehia rahiraa Ite no Iehova ta oe i matau? Eaha mau na ta oe i ite no nia ia matou?