Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Te mau Piha a te Basileia no e mirioni Ite no Iehova

Te mau Piha a te Basileia no e mirioni Ite no Iehova

Mai te matahiti 1999 e tae atu i te matahiti 2015, ua patu te mau Ite no Iehova i hau atu i te 5 000 Piha a te Basileia i Marite no ropu * e i Mehiko. E hinaarohia hau atu â Piha a te Basileia i tera mau fenua, hau atu i te 700, ia nehenehe e putuputu mai hoê mirioni Ite no Iehova e te tahi atu mau taata.

I na mua ’‘e, e ere i te mea ohie no te mau amuiraa no tera mau fenua ia patu i te mau vahi haamoriraa. Ei hi‘oraa, i Mehiko, ua putuputu mai te rahiraa o te mau Ite no Iehova i roto i te mau fare. No te aha? Teie te tahi tumu: a tau matahiti i teie nei to te mau faanahonahoraa faaroo i ore i faatiahia ’i i mua i te ture ia fana‘o i te faufaa. I te mau matahiti 1990 râ, ua taui te ture e ua haamata te mau Ite no Iehova i te patu i e rave rahi mau Piha a te Basileia. Tera râ, ua titauhia e rave rahi ava‘e no te patu i te hoê noa ’‘e Piha a te Basileia.

Mea vitiviti te haereraa i mua

Ua vitiviti a‘e tera ohipa paturaa i 1999 a haamauhia ’i te mau pǔpǔ paturaa i te mau Piha a te Basileia. Ua faanahohia te hoê porotarama apî no te patu i te mau Piha a te Basileia i te mau fenua e mea taotiahia ta ratou mau faufaa. Te mau fenua ïa mai ia Mehiko e nau fenua e hitu i Marite no ropu. Mai te matahiti 2010, te aratai ra te amaa no Mehiko i te ohipa paturaa i tera mau fenua.

E faaruru te feia patu i te mau fifi a patu ai i te mau Piha a te Basileia i te mau vahi moemoe. Ei hi‘oraa, i Panama, ua titauhia ia ratou ia tere na nia i te pahi e toru hora i pihai iho i te fenua no te haere e patu i te hoê noa Piha a te Basileia. I Chiapas, i Mehiko, ua faaohipa te pǔpǔ paturaa i te tahi manureva nainai no te afai atu i te mau tauihaa paturaa i te tahi vahi moemoe.

Te mau faahopearaa maitai o te paturaa i te mau Piha a te Basileia

E oaoa atoa te feia e ere i te Ite no Iehova ia patuhia te tahi Piha a te Basileia i roto i to ratou tuhaa fenua. Ei hi‘oraa, ua faaite te hoê taata no Honduras e hou a patu ai te mau Ite no Iehova i te tahi Piha a te Basileia i roto i to ’na tuhaa fenua, ua hinaaro vetahi ê e patu i te hoê fare arearearaa. Aita râ oia i hinaaro i te reira. A faaite atu ai te mau Ite no Iehova i ta ratou opuaraa ia patu i te hoê Piha a te Basileia i tera vahi, ua na ô oia: “Auê haamaitairaa e!”

I e rave rahi fenua, ua maere roa te mau taata i te itoito rahi o te feia rave ohipa. Ua na ô te tahi taata no Guatémala: “I roto i to matou ta‘ere, e ohipa noa te mau vahine i te vahi tunuraa maa. Teie râ, i tera vahi paturaa, te rave ra te mau vahine hoê â ohipa e te mau tane. Maere roa vau i te iteraa i te mau vahine e haaputuputu i te mau tauihaa no te paturaa. Mea faahiahia roa te reira!” Ua hoo atoa mai te tahi mau taata tapiri i te maa e te inuraa no te feia patu.

Ua maere atoa te mau taata ia hi‘o ratou e nafea ta tatou mau Piha a te Basileia i patuhia ’i. I Nicaragua, ua faaite te hoê taata îite i te tavana o te tahi oire e mea faahiahia roa te hamaniraa o te Piha a te Basileia i tera vahi no te mea ua faaohipahia te mau tauihaa maitai roa ’‘e. Ua parau atoa oia e mea maitai a‘e te paturaa o tera Piha a te Basileia i te tahi noa ’‘e fare o te oire!

Mea oaoa na te mau Ite no Iehova ia fana‘o i te mau vahi tano no te haamori i te Atua. Ua ite ratou e ia patuhia te tahi Piha a te Basileia apî, e haere ohie a‘e te mau piahi Bibilia i te mau putuputuraa a te amuiraa. Ua apiti te tahi mau mero o te hoê amuiraa i Mehiko i te paturaa o te hoê Piha a te Basileia. Ua faaite ratou i to ratou mauruuru ma te parau e: “Mauruuru ia Iehova no teie fana‘oraa taa ê. Ua patu matou i te hoê Piha a te Basileia o te faahanahana e o te arue ra ia ’na.”

^ par. 2 Ia au i te Merriam-Webster’s Collegiate Dictionary, te neneiraa 11, ia parauhia Marite no ropu, e taahia te fenua Guatémala, Salvador, Honduras, Nicaragua, Costa Rica, Panama e Bélize.

No te ite atu â

Eaha te ravehia i te Piha a te Basileia?

A tomo mai i roto e ite atu ai oe.

No te aha e e nafea te mau Piha a te Basileia a te mau Ite no Iehova e hamanihia ’i?

No te aha ta matou mau vahi haamoriraa e parauhia ’i Piha a te Basileia? A hi‘o e nafea te mau Ite no Iehova e faufaahia ’i i te reira.