Eaha to roto?

Philipino: Haaputuraa hoho‘a 2 (Mai Tiunu 2015 tae atu i Tiunu 2016)

Philipino: Haaputuraa hoho‘a 2 (Mai Tiunu 2015 tae atu i Tiunu 2016)

Ua oti i te mau Ite no Iehova te faaapîraa o te mau fare tahua rau o te Betela i te oire no Quezon i Philipino. I nia i te hoho‘a, te faaitehia ra e nafea te ohipa i tupu ai e e nafea te mau rima tauturu i turu ai i te reira mai Tiunu 2015 tae atu i te Tiunu 2016. Tau ava‘e i muri iho, ua oti te faaapîraa o te mau fare tahua rau e ua pûpûhia ’tu i Fepuare 2017.

Hoê hoho‘a oti o te Betela i Philipino. Teie te mau fare o tei patuhia aore ra faaapîhia:

  • Fare 4 (Nohoraa)

  • Fare 5 (Haruharuraa, Tuhaa taviniraa)

  • Fare 6 (Faaneheneheraa i te aua, tataîraa pereoo, tapiriraa faira)

  • Fare 7 (Tuhaa matini roro uira, LDC, atuaturaa, haponoraa, huriraa)

15 no Tiunu 2015: Vahi paturaa i te oire no Quezon

Te faaineine ra te feia rave ohipa i te hoê afata a faaî atu ai i te tima no te patu i te hoê e‘a no te haere i te Fare 1, 5 e 7.

15 no Tiunu 2015: Fare 5

Hou a rave ai i te hoê ohipa, e hi‘o te mau tamuta i te mau hoho‘a paturaa faaineinehia na te tuhaa paturaa parauhia RDC i Asia-Patitifa. I Mati 2016, ua afaihia ’tu teie tuhaa no Auteraria i te Betela i Philipino.

23 no Tiunu 2015: Vahi paturaa i te oire no Quezon

Te faaohipahia ra te hoê matini no te haatuparari i te hoê area no te heru i te hoê e‘a i roto i te repo. E tuuhia i roto te hoê ravea apî no te pape e no te faatoetoeraa.

20 no Tiurai 2015: Vahi paturaa i te oire no Quezon

I te hoê haereraa, te tuu ra te hoê tane e ta ’na vahine no te Hau Amui i te auri no te tapiri atu.

20 no Tiurai 2015: Vahi paturaa i te oire no Quezon

Te tapoi ra te feia rave ohipa e te repo i te mau apoo e vai ra te mau tuio faatoetoe pape mai te Fare 4 tae atu i te Fare 5.

18 no Tetepa 2015: Fare 5

Te tamau ra te hoê tamuta i te hiti o te hoê haamaramarama ma te faaohipa i te hoê matini no te patiti.

18 no Tetepa 2015: Fare 5

Te tuu ra te hoê vahine rave ohipa i te hoê tapoi tahua. E tapoihia te taatoaraa o te tahua piti o te Fare 5 ia ore e faaroo-rahi-hia te maniania inaha na te Tuhaa haruharuraa e video e faaohipa i tera tahua.

22 no Atopa 2015: Fare 5

Te peni ra te feia rave ohipa i te rapeauraa o te hoê fare tahua rau no te faaiti i te veavea i roto i te mau piha ohipa. E vai haumârû noa ïa te reira e e iti mai te mau haamâu‘araa o te ito.

10 no Fepuare 2016: Fare 4

Te tatara ra te hoê taata rave ohipa i te afata inaha ua timahia te aua paruru. E piti tahua teitei to te Fare 4 i reira e itehia ’i te mau piahi o e rave rau piha haapiiraa Bibilia.

10 no Fepuare 2016: Fare 4

Te paruru ra te hoê mero o te pǔpǔ haaveavearaa, haapuvaivairaa e faatoetoeraa i te mau tuio pape ia maitai atu â teie ravea faatoetoeraa.

16 no Fepuare 2016: Fare 4

Te tamata ra te hoê taata anohaa no Auteralia i te hoê tao‘a no te tapu i te uira i roto i te afata. Ua titau-manihini-hia hau atu 100 taata rave ohipa aravihi no te tahi atu mau fenua no te turu i tera ohipa faaapîraa.