Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Te parururaa i te heipuni i Warwick

Te parururaa i te heipuni i Warwick

Ua haamata te mau Ite no Iehova i te patu i ta ratou pu rahi apî i pihai iho i te Sterling Forest Lake (parauhia roto Ninamu), i te mataeinaa o New York. Te aha nei ratou no te paruru i te mau animara e te heipuni?

Ua hamani te mau Ite no Iehova i te hoê aua paruru e ati a‘e te vahi paturaa ia ore te tahi huru ophi (crotale des bois) e e piti huru honu (tortue-boîte e tortue des bois) ia ô mai a pepe atu ai ratou. Te hi‘opoa-tamau-hia ra tera aua no te papu e eita iho â tera mau animara e ô mai i roto i te vahi raveraa ohipa a ore atu ai e nehenehe e ho‘i faahou i rapae. Ua oti ana‘e te ohipa paturaa, e tatarahia tera aua parururaa. E mai te peu e e itehia i muri a‘e i te tahi ophi i faahitihia i nia ’tu i pihai iho roa i te paturaa? Ma te haapao maitai, e afaihia tera ophi i te tahi atu vahi na te hoê taata tei matau i tera ohipa.

Rouge-gorge bleu

Ua tapûpûhia te mau tumu raau i te tau toetoe no te ore e haafifi i te tahi manu (rouge-gorge bleu) i to ’na tau ofaaraa. Ia oti te paturaa i tera mau vahi, e tamaumau te mau Ite no Iehova i te mau afata ofaaraa ia ho‘i faahou mai te mau manu.

Mai Atopa mai â e tae roa ’tu i Mati, te faaafaro e te tamâ nei ratou i te tahi mau vahi ia purara te huero o te hoê raau tupu varavara (hysope calotte) e ia oteo te reira. Te na reirahia nei noa ’tu e aita i ite-faahou-hia teie mau raau tupu i tera vahi paturaa i Warwich mai 2007 mai â.

I te hiti o te vahi paturaa, te vai ra te Sterling Forest Lake. E roto teie i reira e itehia ’i te mau manu e ora ra i nia i te pape, oia atoa te i‘a (truite, bar, brochet e te perche). No te ore e haaviivii i te roto, ua maiti te feia hamani hoho‘a i te ravea paturaa rau o te ore e faaino i te heipuni. Ei hi‘oraa, te faanahoraa e ravehia no te tanu i te raau tupu i nia iho i te mau paturaa o te titia i te mau mea viivii no roto mai i te ûa a iti mai ai te pape o te tahe i roto i te natura. Hau atu â, te haapaohia ra e te paruruhia ra te mau raau tupu e ati a‘e te roto.

Te parau ra te hoê Ite no Iehova te apiti nei i teie mau tuhaa o te ohipa: “Noa ’tu e e titau te reira i te faaineineraa hau e te taime hau, ua parau matou e e paruru matou i te heipuni i teie vahi i Warwick.”

No te ite atu â

Ua taui te vahi o te pu rahi a te mau Ite no Iehova

Tei Brooklyn, i New York, te pu rahi a te mau Ite no Iehova mai 1909 mai â. No te aha e afai ai i te reira i te pae apatoerau o New York?