Eaha to roto?

Mau faaho'iraa ê

Ite no Iehova

Tahiti

Hoho‘a no Wallkill 2 (Novema 2014 tae atu i te Novema 2015)Hoho‘a no Wallkill 2 (Novema 2014 tae atu i te Novema 2015)

Hoho‘a no Wallkill 2 (Novema 2014 tae atu i te Novema 2015)Hoho‘a no Wallkill 2 (Novema 2014 tae atu i te Novema 2015)

Aita i maoro a‘enei, ua faarahi e ua haamaitai te mau Ite no Iehova i ta ratou mau fare ohipa i te oire o Wallkill, i New York. E faaite mai teie mau hoho‘a i te tahi mau ohipa i ravehia, mai Novema 2014 e tae atu i te Novema 2015.

Hoho‘a o te mau fare i Wallkill patahia na nia mai i te 15 no Atopa 2015.

  1. Neneiraa

  2. Fare tahua rau no te mau piha ohipa 1

  3. Nohoraa E

  4. Vahi tamaaraa

  5. Vahi pu‘araa ahu

  6. Fare tahua rau no te mau piha ohipa 2

  7. Nohoraa D

4 no Titema 2014​: Fare tahua rau no te mau piha ohipa 2

Ua ineine te tomoraa o te fare tahua rau apî no te mau piha ohipa no te faaneheneheraa. I raro atu i te pae aui o te hoho‘a, te vai ra te hoê hiti purumu o tei haaveavea ia ore te feia e haere ra na nia iho e hee. Mea heehee hoi taua hiti purumu ra i te tau toetoe. I roto i tera fare tahua rau, te vai ra te mau piha ohipa o te Betela, o te Amaa e te Tuhaa taviniraa.

5 no Titema 2014​: Nohoraa D

Te faaohipa ra te hoê mero o te Tuhaa faaneheneheraa piha i te hoê matini no te haamanina i te tahua. E tamâ atoa te reira i te repo i nia i te tahua.

9 no Tenuare 2015​: Nohoraa E

I te piha potee, e fariihia te feia mataitai, oia atoa hau atu 200 taata rave ohipa i te Betela o te noho ra i te Nohoraa E. Ua faaapîhia tera fare tahua rau ma te tamau i te mau haamaramarama apî no te faaiti i te haamâu‘araa o te ito. Oia atoa ma te faaohipa i te hoê ravea apî no te faaara e ua tupu anei te ati auahi.

9 no Fepuare 2015​: Neneiraa

I te fare apî no te Tuhaa haapiiraa i te ohipa rau, te tamau ra te hoê taata rave ohipa i te mau niuniu no te niuniu paraparau. Ua patuhia tera fare no te feia rave ohipa e aravihi to ratou i te pae o te tamauraa tuio pape, te uira e te parururaa.

17 no Fepuare 2015​: Neneiraa

Te tamau ra te hoê taata rave ohipa i te mau patiaraa uira no te hoê mori parauhia DEL i te fare no te Tuhaa haapiiraa i te ohipa rau.

2 no Mati 2015​: Fare tahua rau no te mau piha ohipa 1

Te haapao ra te hoê taata rave ohipa i te mau area e vai ra i rotopu i te tuio uira taitahi. Ua faaapîhia tera piha no te mau tuhaa o te amaa i vai na i Brooklyn.

3 no Mati 2015​: Nohoraa D

Te hamani ra te hoê taata tamau tuio pape i te mau tuio hinaarohia no te faahaere i te pape veavea.

31 no Mati 2015​: Nohoraa D

Mai nia mai i te hoê matini hivi, te pate nei te feia o te Tuhaa faaneheneheraa i rapaeau i te mau area e haaati ra i te mau haamaramarama. Te vai ra e 298 haamaramarama mai teie i taua noa fare tahua rau. Maoti te reira, e iti mai te mau haamâu‘araa o te ito i te tau veavea e toetoe.

17 no Eperera 2015​: Fare tahua rau no te mau piha ohipa 1

Te faaohipa nei te feia rave ohipa i te mau ofai o te patu i vai na mai 1970 mai â. Maoti tera mau ofai, te patu faahou nei te feia rave ohipa i te hoê patu i te vahi vairaa pereoo itehia i pihai iho i te Fare tahua rau no te mau ohipa 1 e te Nohoraa E.

17 no Eperera 2015​: Fare tahua rau no te mau piha ohipa 1

Te faaohipa ra te hoê taata rave ohipa i te papie taratara no te haamanina i te patu ia ohie te peniraa o te reira. I tera fare apî, te vai ra te mau Tuhaa i te pae o te moni, o te matini roro uira e o te hooraa.

8 no Tiunu 2015​: Nohoraa D

Te huti ra te hoê taata rave ohipa i te pae o te uira i te niuniu uira i te niaraa o te fare. E tamau ïa oia i tera niuniu uira i te tahi atu niuniu mori. Maoti tera ravea, e aratai-atoa-hia te uira i roto i te repo no te paruru i te fare tahua rau i te tahi noa ’‘e peapea.

8 no Tiunu 2015​: Nohoraa D

I te roaraa o te tau paturaa i Wallkill, e rave rahi ravea faaohipahia no te paruru i te mau faaneheneheraa i vai na, mai te mau tumu raau itehia i nia i tera hoho‘a. I te pae aui, te vai ra te pare faataahia no te pape. E nehenehe e haaputuhia hau atu 150 000 litera pape. Mai teie pare, e faahaerehia te pape i te mau paturaa i Wallkill no te taata e no te tupohe i te auahi ia tupu te hoê ati.

25 no Tiunu 2015​: Fare tahua rau no te mau piha ohipa 1

Te tamau ra te hoê tamuta i hau atu 1 800 raau orapa no te hamani i te hoê patu i te piha putuputuraa. Mea rau te rarahi o teie mau raau tamauhia no te faaiti i te puairaa o te maniania i roto i te piha.

9 no Tiurai 2015​: Fare tahua rau no te mau piha ohipa 2

Ua tavini o Charles Reed i te Betela mai 1958 mai â. Ua tauturu te taeae Reed i roto i te hamaniraa i te mau patu tima no te tuhaa Neneiraa i te taime te Betela i Brooklyn i nenei ai i te mau papai no te Hau Amui e no te tahi atu mau fenua. I te roaraa o te tau paturaa i Wallkill, ua apiti te taeae Reed i te pǔpǔ e haapao ra i te maitai o te huru paturaa.

17 no Atete 2015​: Fare tahua rau no te mau piha ohipa 1

Te afai ra te feia rave ohipa i te mau parahiraa apî i te piha putuputuraa. E 812 taata te nehenehe e parahi i roto i tera piha faaapîhia.

21 no Tetepa 2015​: Fare tahua rau no te mau piha ohipa 1

A faaapîhia ’i te piha putuputuraa, ua tamauhia te mau matini video e te mau aroaro fare.

12 no Atopa 2015​: Nohoraa D

Ua faaapîhia te vahi utuutu. No te haapao maitai atu â i te feia ma‘i, ua faaaanohia te vahi haereraa taata e te mau fare pape.

15 no Atopa 2015​: Te vahi paturaa i Wallkill

Te hoê hoho‘a o te mau fare i Wallkill patahia na nia mai. E 2 000 mero o te Betela o te noho ra i ǒ. Ua faataahia 102 000 metera tuea no te mau fare tahua rau apî aore ra faaapîhia. Ua oti te rahiraa o te paturaa i te 30 no Novema 2015.

No te ite atu â

O vai te rave nei i to Iehova hinaaro i teie mahana?

Eaha te Betela?

E vahi otahi te Betela, e mea faufaa roa te ohipa e ravehia ra i reira. A hi‘o na o vai ma te tavini ra i reira.