Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Hoho‘a no Philipino: tuhaa 1 (mai Fepuare 2014 tae atu i te Me 2015)

Hoho‘a no Philipino: tuhaa 1 (mai Fepuare 2014 tae atu i te Me 2015)

Te patu e te faaapî nei te mau Ite no Iehova i te mau fare tahua rau o te Betela i te oire no Quezon i Philipino. I teie nei, e neneihia te mau papai no Philipino i te Betela i te fenua Tapone. Ua monohia ïa te fare neneiraa i Philipino e te fare no te tuhaa Matini roro uira, Paturaa (LDC), Atuaturaa, Haponoraa e Huriraa. Te faaite ra teie mau hoho‘a vetahi o te mau ohipa tei ravehia i te fare neneiraa tahito e i te tahi atu mau fare mai Fepuare 2014 tae atu i te Me 2015. E opuahia ia oti te paturaa i Atopa 2016.

Hoê hoho‘a oti no te paturaa o te Betela i Philipino. Teie te mau fare o te patuhia ra aore ra faaapîhia ra:

  • Fare 4 (Nohoraa)

  • Fare 5 (Haruharuraa, Piha ohipa)

  • Fare 6 (Faaneheneheraa i te aua, Tataîraa pereoo, Tapiriraa faira)

  • Fare 7 (Tuhaa Matini roro uira, LDC, Atuaturaa, Haponoraa, Huriraa)

28 no Fepuare 2014—Fare 7

Ia ore e haumi, te puohu nei te feia rave ohipa tauturu i te fibre de verre, hoê ïa ravea no te tapea i te veavea o te mahana i rapae. E ahu paruru to ratou ia ore te iri e maero.

2 no Eperera 2014—Fare 7

Te faaoti nei te feia rave ohipa i te niaraa o te piha haruharuraa no te reo apǎraa rima Filipino. Te mau apoo itehia i te niaraa, no te tuu ïa i te mau CVC, e mau ravea ïa no te haaveavea aore ra faatoetoe i te piha.

21 no Atopa 2014—Vahi paturaa i te oire no Quezon

Heruraa i roto i te repo no te tuu atu i te hoê ravea apî no te faatoetoe i te pape o te mau fare atoa o te Betela.

19 no Titema 2014—E‘a turu iti no te haere i te mau fare 1, 5 e te 7

Maoti te mau e‘a turu iti apî e nehenehe ai te feia rave ohipa e haere i te rahiraa o te mau fare. Oia atoa i te fare 1 i reira e itehia ’i te piha tamaaraa. E mea maitai teie mau haereraa no te hau atu 300 taata o te ohipa nei i te fare 7.

15 no Tenuare 2015—Fare 5

Hoê matini e 50 tane te teiaha o te hivi nei i te mau auri no te niaraa o te fare. Maoti te mau ona ohipa o te oire, e rave rau hivi tei faaohipahia.

15 no Tenuare 2015—Fare 5A (Vahi haereraa taata)

Hoê vahi haereraa taata e 125 metera tuea e e piti tahua. I reira e tuuhia ’i e piti piha haumitiraa, hoê e‘a e hoê piha utaraa taata. Aita ïa te reira e patuhia i te fare 5. Aita atoa te manianiaraa o te piha utaraa taata e haafifi i te mau haruharuraa.

15 no Tenuare 2015—Fare 5A (Vahi haereraa taata)

I raro a‘e i te hoê tamaru mahana, te tuu nei te feia rave ohipa i te auri. I Tenuare, e nehenehe te anuvera e raea fatata 29 teteri e i Eperera, 34 teteri.

5 no Mati 2015—Fare 5

Te haapaari nei te hoê pǔpǔ rave ohipa i te niaraa o te fare maoti te mau raau. I te fare 5, ua faaohipahia 800 raau.

17 no Mati 2015—Fare 5

Faarapuraa i te tima no te hoê paturaa nainai. No te paturaa i te Betela, ua tauturu atoa mai hau atu 100 rave ohipa mai te fenua Auteralia, Kanada, Farani, Tapone, Niu Zelani, Korea no Apatoa, Paniora, Marite e te tahi atu mau fenua.

25 no Mati 2015—Fare 5

Te tuuhia nei te mau punu i nia i te fare 5. I na mua a‘e, i reira e itehia ’i te Piha huriraa. I teie nei, te faaapîhia ra tera fare no te tuu atu i te tuhaa Haruharuraa e te Piha ohipa.

13 no Me 2015—Fare 5

Hoê rave ohipa o te faaohipa nei i te tahi matini no te tapu i te auri faaohipahia no te mau patu o te mau piha.

No te ite atu â

Eaha te ravehia ra i te hoê amaa a te mau Ite no Iehova?

E oaoa roa matou i te farii i te taata e haere mai e mataitai i te hoê o ta matou amaa. A haere mai!