Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Hoho‘a no Wallkill 1 (Tiurai 2013 tae roa Atopa 2014)

Hoho‘a no Wallkill 1 (Tiurai 2013 tae roa Atopa 2014)

Te faarahi nei e te haamaitai nei te mau Ite no Iehova i ta ratou mau fare i te oire o Wallkill, i New York. E faaite mai teie mau hoho‘a i te tahi mau ohipa i ravehia mai Tiurai 2013 tae roa i Atopa 2014. Te opuaraa: ia oti teie ohipa i Novema 2015.

Hoho‘a o te mau fare i Wallkill patahia na nia mai i te 21 no Atopa 2013.

  1. Tura vairaa huero maa (tatarahia i Tenuare 2014)

  2. Fare pu‘araa e tamâraa ahu faarahihia

  3. Piha tamaaraa

  4. Nohoraa E

  5. Fare tahua piha ohiparaa

  6. Neneiraa

  7. Anavai Shawangunk Kill

12 no Tiurai 2013—Fare pu‘araa e tamâraa ahu faarahihia

Te hivihia ra te mau pǎpǎi, tei hamanihia i ǒ noa, no te tamaumau atu.

19 no Tiurai 2013—Nohoraa E

Te tuu ra te mau rave ohipa i te hoê paehaa uraina i roto i te area paohia i roto i te tahua tima. Ua hamanihia te reira no te faaetaeta maitai i te fare tahua ia ore ia aueue. E 7 600 metera paehaa uraina tei faaohipahia.

5 no Atete 2013—Nohoraa E

Te tataîhia ra te mau piriti.

30 no Atete 2013—Fare pu‘araa e tamâraa ahu faarahihia

Te tamauhia ra te tino auri o te piha apî no te mau matini e taihaa.

17 no Tetepa 2013—Nohoraa E

Te tâpûhia ra te vauvau paruru i te tafare.

15 no Atopa 2013—Nohoraa E

Te hi‘opoahia ra aita anei e mata‘i i muri mai i te paehaa uraina. Mai te peu e te vai ra, e tamauhia te tahi atu â mau paehaa uraina.

15 no Novema 2013—Fare pu‘araa e tamâraa ahu faarahihia

Te faaineinehia ra te tafare no te tamau i te matini o te faahaere i te mata‘i i rapae.

9 no Titema 2013—Nohoraa E

Te faaîhia ra te mau vahi afafa o te tahua fare i te hoê tapiri. Hoê matahiti e te afa te faaetaetaraahia te fare tahua ia ore ia aueue.

11 no Titema 2013—Fare pu‘araa e tamâraa ahu faarahihia

Te faaineinehia ra te vahi e tamauhia ‘i te matini apî no te pâmuraa i te pape viivii.

10 no Tenuare 2014—Tura vairaa huero maa

Te tatarahia ra te matini faahaereraa huero maa i faaohipahia mai te mau matahiti 1960 tae atu i te matahiti 2008. Aita teie mau matini i faaohipa-faahou-hia i te taime a faaorehia ’i te faaamuraa moa, puaatoro e puaa i Wallkill.

22 no Tenuare 2014—Fare tahua piha ohiparaa

Te tatarahia ra te mau parahiraa no te faaapî i te taatoaraa o te piha putuputuraa.

29 no Tenuare 2014—Tura vairaa huero maa

Ua faaohipahia teie mau tura vairaa huero maa ei vairaa maa na te mau animara.

3 no Mati 2014—Neneiraa

Te hamanihia ra te fare apî no te Tuhaa haapiiraa i te ohipa rau.

4 no Tiurai 2014—Fare tahua piha ohiparaa

Te haapaari ra te hoê taata tapiri auri i te hoê pou fare.

19 no Tetepa 2014—Piha tamaaraa (Nohoraa E)

Te tuuhia ra te vauvau tahua i roto i te piha i reira te mau rave ohipa no te paturaa e tamaa ’i.

22 no Tetepa 2014—Nohoraa E

Te patehia ra te mau pǎpǎi o te piha potee i te tahua hoê.

24 no Tetepa 2014—Fare tahua piha ohiparaa

Te tamauhia ra te mau auri no te haapaari maitai i te area tereraa o te piha utaraa taata.

2 no Atopa 2014—Piha tamaaraa (Nohoraa E)

Te faarahiraahia te piha tamaaraa, e ô roa 1 980 taata.

22 no Atopa 2014—Fare tahua piha ohiparaa

Te ǒhia ra te repo no te faaaano i te niu o te hoê pou e vai ra. E faaetaeta maitai te reira i te fare tahua ia ore ia aueue.

No te ite atu â

A haere mai e mataitai i te mau paturaa o te Betela no te Hau Amui no Marite

I roto i te mataitairaa, e ite oe i te pu rahi a te mau Ite no Iehova e te amaa no te Hau Amui no Marite.